സി എന് എ-
മുംബൈ:
കോവിഡ് മഹാമാരി മൂലം ജോലി നഷ്ടപ്പെട്ടവര്ക്ക് ഇറിക്ഷകള് സമ്മാനവുമായി ബോളിവുഡ് നടന് സോനു സൂദ്. കോവിഡ് വ്യാപനത്തെത്തുടര്ന്ന് രാജ്യമൊട്ടാകെ ലോക്ക്ഡൗണ് പ്രഖ്യാപിച്ചതിനെത്തുടര്ന്ന് ദുരിതത്തിലായ നിരവധി പേര്ക്ക് സ്വന്തം നാടുകളിലേക്ക് മടങ്ങാന് ബസ് ഒരുക്കിയും സാമ്പത്തിക സഹായം നല്കിയുമെല്ലാം സഹായിക്കാന് മുന്നോട്ടിങ്ങിയ മനുഷ്യസ്നേഹിയാണ് സോനു. ഇപ്പോഴിതാ കൂടുതല് പേര്ക്ക് സഹായം വാഗ്ദാനം ചെയ്ത് ഞെട്ടിച്ചിരിക്കുകയാണിദ്ദേഹം.
കോവിഡ് മഹാമാരി മൂലം ജോലി നഷ്ടപ്പെട്ടവര്ക്ക് ഇറിക്ഷകള് സമ്മാനിക്കാനാണ് നടന്റെ തീരുമാനം. 'അവശ്യ സാധനങ്ങള് വിതരണം ചെയ്യുന്നതിനേക്കാള് പ്രധാനമാണ് തൊഴിലവസരങ്ങള് നല്കുന്നതെന്നാണ് ഞാന് കരുതുന്നത്. ഈ പ്രവര്ത്തിയിലൂടെ അവര്ക്ക് സ്വന്തം കാലില് നില്ക്കാന് കഴിയുമെന്ന് എനിക്ക് ഉറപ്പുണ്ട്', നടന് പറഞ്ഞു.
തന്റെ പ്രവര്ത്തികള്ക്ക് പ്രതിഫലമായി ലഭിച്ച സ്നേഹമാണ് ഇത്തരത്തില് കൂടുതല് കാര്യങ്ങള് ചെയ്യാന് തന്നെ പ്രേരിപ്പിക്കുന്നതെന്നും സോനു സൂദ് പറഞ്ഞു.