അഞ്ജു അഷറഫ്-
കൊച്ചി:
സത്യജിത്ത് റായ് ഇന്റര്നാഷണല് ഡോക്യുമെന്ററി ആന്റ് ഷോര്ട്ട് ഫിലിം ഫെസ്റ്റിവലില് 'സൂചിപ്പഴുതിലൂടെ ഒരു മുന്നേറ്റം' മികച്ച ഡോക്യുമെന്ററി ആയി തെരഞ്ഞെടുക്കപ്പെട്ടു.
ജെഷീദ ഷാജിയും, മുരളി മാട്ടുമ്മലും ചേര്ന്നാണ് ഡോക്യുമെന്ററി നിര്മ്മിച്ചിരിക്കുന്നത്.
തിരക്കഥ എഴുതി സംവിധാനം ചെയ്തിരിക്കുന്നത് പ്രദീപ് നാരായണന് ആണ്.
മുംബൈയിലെ ചേരികളില് താമസിക്കുന്ന സ്ത്രീകളുടെ ജീവിതത്തില് ക്രിയേറ്റീവ് ഹാന്റി ക്രാഫ്റ്റ്സ് എന്ന സ്ഥാപനം വരുത്തിയ മാറ്റങ്ങളാണ് ഡോക്യുമെന്ററിയുടെ പ്രതിപാദ്യ വിഷയം.
അന്താരാഷ്ട്ര പുരസ്ക്കാരങ്ങള് ഉള്പ്പെടെ നിരവധി അംഗീകാരങ്ങള് ലഭിച്ചതിന് പിന്നാലെയാണ് സത്യജിത്ത് റായ് അവാര്ഡ് ലഭിക്കുന്നത്.