സി എന് എ-
കൊച്ചി:
വിജയ് ആന്റണി നായകനാക്കി ആനന്ദകൃഷ്ണന് സംവിധാനം ചെയ്യുന്ന 'കോടിയില് ഒരുവന്' എന്ന ചിത്രത്തില് പ്രതിനായകനായി സൂരജ് പോപ്സ് എത്തുന്നു. 'കുമ്പളങ്ങി നൈറ്റ്സ്' എന്ന ചിത്രത്തിലൂടെ ശ്രദ്ധേയനായ താരമാണ് സൂരജ് പോപ്സ്.
മലയാളി താരമായ സൂരജ് പോപ്സിന്റെ കരിയറിലെ ഒരു വലിയ ബ്രേക്ക് ആയിരിക്കും 'കോടിയില് ഒരുവനില് ചെയ്യുന്ന കഥാപാത്രം.
ആത്മികയാണ് നായിക. കെ.ജി.ഫ്. എന്ന കന്നഡ സിനിമയിലൂടെ വില്ലന് വേഷം ചെയ്ത രാമചന്ദ്ര രാജുവും ഒരു പ്രധാന വേഷത്തില് എത്തുന്നുണ്ട്. കൂടാതെ, ഒരു വാന് താര നിര തന്നെ ഈ ചിത്രത്തില് അണിനിരക്കുന്നുണ്ട്.
ഇന്ഫിനിറ്റി ഫിലിംസ് വെന്ചേര്സ് അവതരിപ്പിക്കുന്ന ചേണ്ടൂര് ഫിലിം ഇന്റര്നാഷണലിന്റെയും ടി.ഡി രാജയുടെയും ബാനറില് ടി. ഡി രാജയും ഡി. ആര്. സഞ്ജയ് കുമാറും ചേര്ന്നാണ് നിര്മ്മിക്കുന്ന 'കോടിയില് ഒരുവന്' തമിഴിന് പുറമേ തെലുങ്ക്, കന്നട, മലയാളം, ഹിന്ദി എന്നീ ഭാഷകളിലാണ് എത്തുന്നത്. മലയാളത്തില് വിജയരാഘവന് എന്ന പേരിലാണ് റിലീസ് ചെയ്യുക.
കഴിഞ്ഞ ദിവസം ചിത്രത്തിന്റെ ടീസര് റിലീസ് ചെയ്തിരുന്നു.
ഛായാഗ്രഹണം- എന്.എസ്. ഉദയകുമാര്, സംഗീതം- നിവാസ് കെ. പ്രസന്ന, എഡിറ്റര്- വിജയ് ആന്റണി, കോ പ്രൊഡ്യൂസര്സ്- കമല് ബോഹ്റ, ലളിത ധനഞ്ജയന്, ബി പ്രദീപ്, പങ്കജ് ബൊഹ്റ, എസ്. വിക്രം കുമാര്, ഡിസൈന് ശിവ ഡിജിറ്റല് ആര്ട്. പിആര്ഒ- എ.എസ്. ദിനേശ്.