സി എന് എ-
ബംഗളൂരു:
കന്നഡ ടിവി സീരിയല് നടി സൗജന്യയെ ബംഗളൂരുവിലെ അപ്പാര്ട്ട്മെന്റില് മരിച്ച നിലയില് കണ്ടെത്തി.
സീലിംഗ് ഫാനില് തൂങ്ങിയ നിലയിലായിരുന്നു മൃതദേഹം.
മരിക്കാന് തീരുമാനിച്ചതിന് മാതാപിതാക്കളോട് ക്ഷമ ചോദിക്കുന്ന ഒരു മരണക്കുറിപ്പ് പോലീസ് കണ്ടെടുത്തിട്ടുണ്ട്. അപ്പാര്ട്ട്മെന്റ അകത്തുനിന്ന് പൂട്ടിയ നിലയിലായിരുന്നു.
വിഷാദരോഗത്തിന്റെ മൂര്ദ്ധന്യാവസ്ഥയിലാണ് താന് ഈ കടുംകൈ ചെയ്തത് എന്ന് ആത്മഹത്യാക്കുറിപ്പില് പരാമര്ശിക്കുന്നു.
തന്റെ മരണത്തിന് ആരും കാരണക്കാരല്ലെന്നും താന് മാത്രമാണ് ഉത്തരവാദിയെന്നുമാണ് കുറിപ്പിലുള്ളത്. മാതാപിതാക്കളോട് ക്ഷമ ചോദിക്കുന്നുവെന്നും തന്നെ സഹായിച്ച എല്ലാവര്ക്കും നന്ദി പറയുന്നതായും വിശദീകരിക്കുന്നുണ്ട്. തന്റെ മാനസികനില ഇപ്പോള് ശരിയല്ലെന്നും പരാമര്ശിക്കുന്നുണ്ട്.
നടി മൂന്ന് ദിവസം മുന്പേ എഴുതിവച്ച മരണക്കുറിപ്പാണ് കണ്ടെത്തിയത്.
കുടക് ജില്ലയിലെ കുശാല്നഗര് സ്വദേശിയായ സൗജന്യ നിരവധി സീരിയലുകളിലും രണ്ട് കന്നഡ സിനിമകളിലും അഭിനയിച്ചിട്ടുണ്ട്.
പോസ്റ്റ്മോര്ട്ടത്തിനായി മൃതദേഹം രാജരാജേശ്വരി മെഡിക്കല് കോളേജിലേക്ക് മാറ്റിയിട്ടുണ്ട്.
അതേസമയം, നടിക്ക് എന്തെങ്കിലും കുടുംബപ്രശ്നങ്ങള് ഉണ്ടായിരുന്നോ എന്നും അത് മരണത്തിന് കാരണമായോയെന്നും പോലീസ് അന്വേഷിക്കുന്നുണ്ട്.