മീഡിയ ഡെസ്‌ക്
കോല്‍ക്കത്ത:
മുന്‍ ഇന്ത്യന്‍ ക്രക്കറ്റ് ടീമിന്റെ ക്യാപ്റ്റനും ബി.സി.സി.ഐ അധ്യക്ഷനുമായ സൗരവ് ഗാംഗുലിയുടെ ജീവിതത്തെക്കുറിച്ച് ബയോപിക്ക് വരുന്നു.
സൗരവ് ഗാംഗുലി തന്നെയാണ് ഈ വിവരം സോഷ്യല്‍ മീഡിയയിലൂടെ പങ്കുവച്ചത്.
'ക്രിക്കറ്റാണ് എന്റെ ജീവിതം.
എനിക്ക് ആത്മവിശ്വാസത്തോടെ തല ഉയര്‍ത്തിപ്പിടിച്ച് നടക്കാനുള്ള കഴിവ് ക്രിക്കറ്റ് ആണ് തന്നത്.
ഒപ്പം മനോഹരമായ യാത്രയും. ഈ യാത്രയെ ബിഗ് സ്‌ക്രീനിലെത്തിക്കാന്‍ ലൗ ഫിലിംസ് ബയോപിക്ക് ചെയ്യുന്നതില്‍ അതിയായ സന്തോഷമുണ്ട്'
സൗരവ് ഗാംഗുലി കുറിച്ചു.
ലൗ ഫിലിംസിന്റെ ബാനറില്‍ ലൗ രഞ്ചന്‍, അങ്കുര്‍ ഗാര്‍ഗ് എന്നിവരാണ് ചിത്രം നിര്‍മ്മിക്കുന്നത്.
