Editor- MM Kamath
കൊച്ചി:
പത്മഭൂഷന്‍ ലഭിച്ച ശേഷം കെ. എസ്. ചിത്രയുടെ ആലപിച്ച 'അതിരുകള്‍ മതിലുകള്‍...' എന്ന് ആരംഭിക്കുന്ന 'സ്‌റ്റേഷന്‍ 5' എന്ന ചിത്രത്തിലെ ഗാനം പുതുവത്സരദിനത്തില്‍ റിലീസായി.
പ്രശസ്ത താരം ജയസൂര്യയുടെ ഫേസ്ബുക്ക് പേജിലൂടെയാണ് ഗാനം പുറത്തിറക്കിയത്. റഫീഖ് അഹമ്മദ് എഴുതിയ വരികള്‍ക്ക് സംവിധായകന്‍ പ്രശാന്ത് കാനത്തൂര്‍ തന്നെയാണ് സംഗീതം നിര്‍വ്വഹിച്ചിരിക്കുന്നത്.
പ്രയാണ്‍ പ്രധാന കഥാപാത്രത്തെ അവതരിപ്പിക്കുന്ന ചിത്രത്തിലെ നായിക 'തൊട്ടപ്പന്‍' ഫെയിം പ്രിയംവദ കൃഷ്ണനാണ്.
ഡയാന ഹമീദും ശക്തമായ കഥാപാത്രമായി ഈ ചിത്രത്തിലൂടെ എത്തുന്നുണ്ട്. പ്രശാന്ത് കാനത്തൂര്‍ സംവിധാനം ചെയ്ത ഈ ചിത്രത്തില്‍ പ്രശസ്ത നടന്‍ ഇന്ദ്രന്‍സ് 'ചേവംബായി' എന്ന ശ്രദ്ധേയ കഥാപാത്രത്തെ അവതരിപ്പിക്കുന്നു. കൂടാതെ വിനോദ് കോവൂര്‍, സന്തോഷ് കീഴാറ്റൂര്‍, ശിവജി ഗുരുവായൂര്‍, രാജേഷ് ശര്‍മ്മ, സുനില്‍ സുഖദ, ഐ.എം. വിജയന്‍, ദിനേഷ് പണിക്കര്‍, അനൂപ് ചന്ദ്രന്‍, ശിവന്‍ കൃഷ്ണന്‍കുട്ടി നായര്‍, ജെയിംസ് ഏലിയ, മാസ്റ്റര്‍ ഡാവിന്‍ചി, പളനിസാമി, ഷാരിന്‍, ജ്യോതി ചന്ദ്രന്‍, ദേവി കൃഷ്ണ, പ്രിയ ഹരീഷ്, ഗിരീഷ് കാറമേല്‍ എന്നിവരാണ് അഭിനേതാക്കള്‍.
പ്രതാപ് നായരാണ് ചിത്രത്തിന്റെ രചയിതാവും ഛായാഗ്രാഹകനും.
സേഫ് ഗാര്‍ഡ് എന്റര്‍ടെയിന്‍മെന്റ്‌സാണ് ഗാനങ്ങള്‍ പുറത്തിറക്കിയിരിക്കുന്നത്. മാപ് ഫിലിം ഫാക്ടറിയുടെ ബാനറില്‍ ബി.എ. മായ നിര്‍മ്മിച്ച 'സ്‌റ്റേഷന്‍ 5' ജനുവരി 7 ന് തിയറ്ററുകളിലെത്തും.
പ്രൊഡക്ഷന് കണ്ട്രോളര്- സാദിഖ് നെല്ലിയോട്ട്, പി.ആര്‍.ഒ- സി.കെ. അജയ്കുമാര്‍, വാര്‍ത്ത പ്രചരണം- എം.കെ. ഷെജിന്‍ ആലപ്പുഴ.
Online PR - CinemaNewsAgency.Com
