CNA
കൊച്ചി:
ബോളിവുഡിന്റെ പ്രിയഗായിക സുനീതി ചൗഹാന്‍ മലയാള സിനിമയില്‍ വീണ്ടും പാടാന്‍ കഴിഞ്ഞതിന്റെ സന്തോഷം പങ്കുവച്ചു.
നാലാമത്തെ വയസ്സില്‍ സംഗീത ജീവിതം ആരംഭിച്ച സുനീതി ഇതിനോടകം രണ്ടായിരത്തിലധികം ഗാനങ്ങള്‍ പാടി കഴിഞ്ഞു.
സുനീതി പാടിയ 'രുക്കി രുക്കി സിന്ദഗി...' (മസ്ത്), 'ധൂം മച്ചാലേ...' (ധൂം), 'ബുമ്മ് രോ ബുമ്മ് രോ...' (മിഷന്‍ കശ്മീര്‍), 'ഷീല കി ജവാനി...' (തീസ് മാര്‍ ഖാന്‍) തുടങ്ങിയ സൂപ്പര്‍ ഹിറ്റ് ഗാനങ്ങള്‍ അവയില്‍ ചിലതുമാത്രം.
ഇപ്പോഴിതാ മലയാളസിനിമയില്‍ വീണ്ടും പാടാന്‍ കഴിഞ്ഞതിന്റെ സന്തോഷം പങ്കുവയ്ക്കുകയാണ്.
റിലീസിനൊരുങ്ങുന്ന 'തിരിമാലി' എന്ന ചിത്രത്തില്‍ ബിജിബാലിന്റെ സംഗീതത്തിലാണ് സുനീതി 'രംഗ് ബിരംഗി...' എന്നു ആരംഭിക്കുന്ന ഗാനം ആലപിച്ചിരിക്കുന്നത്.
പാട്ടിന്റെ ടീസര്‍ സമൂഹമാധ്യമങ്ങളില്‍ തരംഗമായതോടെയാണ് ആരാധകരോട് സന്തോഷം പങ്കിടാന്‍ സുനീതി എത്തിയത്.
''തിരിമാലി'യിലൂടെ മലയാള സിനിമയ്ക്കുവേണ്ടി പാടാന്‍ കഴിഞ്ഞതില്‍ അതിയായ സന്തോഷമുണ്ട്. സംഗീത സംവിധായകന്‍ ബിജിബാലിനൊപ്പമുള്ള റെക്കോര്‍ഡിങ് നിമിഷങ്ങള്‍ ആസ്വദിച്ചു. 'തിരിമാലി' സിനിമയുടെ അണിയറ പ്രവര്‍ത്തകര്‍ക്ക് നന്ദി. സിനിമ വലിയ വിജയമാകട്ടെ എന്ന് ആശംസിക്കുന്നു.' എന്ന് സുനീതി വീഡിയോ സന്ദേശത്തിലൂടെ അറിയിച്ചു.
Online PR - CinemaNewsAgency.Com
