സി എന് എ-
കൊച്ചി:
സുരേഷ് ഗോപി നായകനാകുന്ന 'ഒറ്റക്കൊമ്പന്റെ ചിത്രീകരണം ഉടന് ആരംഭിക്കുമെന്ന് തന്റെ ഫേസ്ബുക്ക് പേജിലൂടെയാണ് സുരേഷ്ഗോപി അറിയിച്ചത്.
എല്ലാവരുടെയും അനുഗ്രഹങ്ങളും ആശംസകളും ഉണ്ടാവണമെന്നും സുരേഷ് ഗോപി പറഞ്ഞു.
മുളകുപാടം ഫിലിംസ് ബാനറില് ടോമിച്ചന് മുളകുപാടം നിര്മ്മിക്കുന്ന 'ഒറ്റക്കൊമ്പന്' സുരേഷ് ഗോപി അഭിനയിക്കുന്ന 250 ആമത്തെ ചിത്രമാണ്.
പൃഥ്വിരാജ് ഒഴികെ മലയാളത്തിലെ മുന്നിര താരങ്ങള് ഒന്നാകെയാണ് ചിത്രത്തിന്റെ ടൈറ്റില് പ്രഖ്യാപനം നടത്തിയത്. ഒറ്റകൊമ്പനില് പാലാക്കാരന് അച്ചായനായിട്ടാണ് സുരേഷ് ഗോപി എത്തുന്നത്. മാത്യൂ തോമസ് പാലമൂട്ടില് സംവിധാനം ചെയ്യുന്ന ഒരു മാസ് എന്റര്ടെയ്നറായിരിക്കും ഈ സിനിമ.
ഏറെ വിവാദങ്ങള്ക്ക് ശേഷമാണ് സുരേഷ് ഗോപി ചിത്രത്തിന് 'ഒറ്റക്കൊമ്പന്' എന്ന പേരു സ്വീകരിച്ചത്.
മുകേഷ്, ജോജു ജോര്ജ് എന്നിവരും പ്രധാന വേഷം ചെയ്യുന്നുണ്ട്. മറ്റ് അഭിനേതാക്കളുടെ വിവരങ്ങളൊന്നും ഇതുവരെ പുറത്തുവിട്ടിട്ടില്ല.
സുരേഷ് ഗോപി അവതരിപ്പിക്കുന്ന കഥാപാത്രത്തിന്റെ ഫസ്റ്റ് ലുക്കും, മോഷന് പോസ്റ്ററും 2020 ജൂണില് റിലീസ് ചെയ്തിരുന്നു.