സി എന് എ-
കൊച്ചി:
ആര് എസ് വിമല് 'സൂര്യപുത്ര മഹാവീര് കര്ണ്ണ' എന്ന സിനിമയുടെ ഒഫീഷ്യല് ലോഗോ പുറത്തുവിട്ടു. മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളിലായാണ് ചിത്രമെത്തുന്നത്. തന്റെ ഏറ്റവും വലിയ സ്വപ്നം എന്നാണ് ആര് എസ് വിമല് 'സൂര്യപുത്ര മഹാവീര് കര്ണ്ണ'യെ വിശേഷിപ്പിച്ചത്.
2018ല് പ്രഖ്യാപിച്ച ചിത്രത്തില് നടന് ചിയാന് വിക്രം നായകനായി എത്തുമെന്നായിരുന്നു സൂചന. കര്ണ്ണനായി വില്ലുകുലയ്ക്കുന്ന വിക്രമിന്റെ മേക്കിംഗ് വീഡിയോയും ശ്രദ്ധനേടിയിരുന്നു.
എന്നാല്, വിക്രമാണ് നായകന് എന്ന രീതിയിലുള്ള സൂചനകള് ഒന്നും ഉള്പ്പെടുത്താതെയാണ് ഇപ്പോള് ഒഫിഷ്യല് ലോഗോ വീഡിയോ റിലീസ് ചെയ്തിരിക്കുന്നത്.
പൂജാ എന്റര്ടെയ്ന്മെന്റ്സിന്റെ ബാനറില് വഷു ബഗ്നനി, ദിപ്ശിഖാ ദേശ്മുഖ്, ജാക്കി ബഗ്നനി എന്നിവരാണ് നിര്മ്മാതാക്കള്. ആര് എസ് വിമല് തന്നെയാണ് സിനിമയുടെ കഥയൊരുക്കുന്നത്. തിരക്കഥ, സംഭാഷണം- ഡോ. കുമാര് വിശ്വാസമാണ്, ഛായാഗ്രഹണം സതീഷ് കുറുപ്പ് നിര്വ്വഹിക്കുന്നു.