എംഎം കമ്മത്ത്
കൊച്ചി:
'ടായ' എന്ന സംസ്‌കൃത സിനിമയുടെ ചിത്രീകരണം പൂര്‍ത്തിയായി.
നടി അനുമോളാണ് ഈ വാര്‍ത്ത പുറത്തു വിട്ടത്.
'ടായ' എന്ന സംസ്‌കൃത സിനിമയുടെ ചിത്രീകരണം പൂര്‍ത്തിയായി എന്നും ഇത് പുതിയൊരു തുടക്കം ആണെന്നും അനു പറഞ്ഞു. കൂടാതെ തന്നോടൊപ്പം പ്രവര്‍ത്തിച്ച മുഴുവന്‍ ടീമിനും താരം നന്ദി അറിയിച്ചു.
'ഇഷ്ടി' എന്ന സംസ്‌കൃത ചിത്രത്തിനു ശേഷം ജി പ്രഭ സംവിധാനം ചെയ്യുന്ന പുതിയ ചിത്രം കൂടിയാണ് 'ടായ'. അവളാല്‍ എന്നാണ് സിനിമയുടെ പേരിന്റെ അര്‍ഥം. പത്തൊന്‍പതാം നൂറ്റാണ്ടിലെ നമ്പൂതിരി സ്ത്രീകള്‍ നേരിടേണ്ടി വന്ന ചൂഷണവും അവരുടെ പോരാട്ടങ്ങളും ഒക്കെയാണ് സിനിമ പറയുന്നത്.
നെടുമുടി വേണു, ബാബു നമ്പൂതിരി, ദിനേശ് പണിക്കര്‍ അടക്കമുള്ള ഒട്ടേറെ അഭിനേതാക്കള്‍ ചിത്രത്തിന്റെ ഭാഗമാകുന്നുണ്ട്.
ശ്രീ ഗോകുലം മൂവീസിന്റെ ബാനറില്‍ ഗോകുലം ഗോപാലനാണ് ചിത്രം നിര്‍മ്മിക്കുന്നത്. സണ്ണി ജോസഫ് ക്യാമറ കൈകാര്യം ചെയ്യുന്നു, ദേശീയ അവാര്‍ഡ് ജേതാവ് ബി ലെനിന്‍ എഡിറ്റിംഗ് നിര്‍വ്വഹിക്കുന്നു.
Online PR - CNA.
