സി എന് എ
ഇന്റര്നാഷണല് ഡെസ്ക്:
ലോക പ്രശസ്തരായ ടോമും ജെറിയും 29 വര്ഷങ്ങള്ക്കു ശേഷം വെള്ളിത്തിരയിലെത്തുന്നു. ലോകമെമ്പാടും കുട്ടികളെയും മുതിര്ന്നവരെയും ഒരേപോലെ ടെലിവിഷനു മുന്നില് പിടിച്ചിരുത്തിയിട്ടുള്ള കാര്ട്ടൂണ് കഥാപാത്രങ്ങളായ ടോമും ജെറിയും ഇപ്പോഴിതാ 29 വര്ഷങ്ങള്ക്കു ശേഷമാണ് ഇരുവരുടെയും അവസാനിക്കാത്ത പോരിന്റെ ഒരു പുതിയ കഥ സിനിമാരൂപത്തില് പ്രേക്ഷകരിലേക്ക് എത്തുന്നത്. ലൈവ് ആക്ഷന്-അനിമേഷന് രൂപത്തില് ഒരുങ്ങുന്ന ചിത്രത്തിന്റെ ട്രെയിലര് നിര്മാതാക്കളായ വാര്ണര് ബ്രദേഴ്സ് പിക്ചേഴ്സ് പുറത്തുവിട്ടു.
ന്യൂയോര്ക്ക് നഗരത്തിലുള്ള ഒരു ആഡംബര ഹോട്ടലാണ് ടോം & ജെറി യുദ്ധത്തിന് ഇത്തവണ പശ്ചാത്തലമാകുന്നത്.
ഹോട്ടലില് ഒരു വിവാഹം നടക്കാനിരിക്കുന്നതിന് മുന്പ് അവിടേക്ക് എത്തുകയാണ് ജെറി. എലിശല്യം രൂക്ഷമായതോടെ ജെറിയെ തുരത്താനായി ഇവന്റ് പ്ലാനര് ടോമിനെ കൊണ്ടുവന്നു. തുടര്ന്ന് ഉണ്ടാകുന്ന രസകരങ്ങളായ മുഹുര്ത്തങ്ങളാണ് ചിത്രത്തിലെ ഹൈലൈറ്റ്. വില്യം ഹന്നയും ജോസഫ് ബാര്ബറയും സൃഷ്ടിച്ച കഥാപാത്രങ്ങളെ മുന്നിര്ത്തി ചിത്രം സംവിധാനം ചെയ്യുന്നത് ടിം സ്റ്റോറി ആണ്. രചന കെവിന് കോസ്റ്റെല്ലോ. ക്ലോയി ഗ്രേസ്, മൈക്കല് പെന, ഫോബ് ഡെലനി എന്നിവരാണ് മറ്റ് താരങ്ങള്.
ഇതാദ്യമായല്ല ടോമും ജെറിയും സിനിമയില് അവതരിപ്പിക്കപ്പെടുന്നത്. 13 സിനിമകള് ഇതിനുമുന്പ് ഈ കഥാപാത്രങ്ങളെ മുന്നിര്ത്തി ഉണ്ടായിട്ടുണ്ട്. 1992ല് പുറത്തെത്തിയ 'ടോം ആന്ഡ് ജെറി: ദി മൂവി'യാണ് അത്തരത്തിലെ അവസാനചിത്രം. ഇപ്പോള് തീരുമാനിച്ചിരിക്കുന്ന റിലീസ് തീയ്യതി 2021 മാര്ച്ച് 5 ആണ്.