ന്യൂസ് ഡെസ്ക്-
ചെന്നൈ:
ലോക്കഡൗണില് പൂട്ടിയിട്ട തമിഴ്നാട്ടിലെ സിനിമ തീയേറ്ററുകള് ഏഴു മാസങ്ങള്ക്ക് ശേഷം തുറന്നു പ്രവര്ത്തനം ആരംഭിച്ചു. തമിഴ്നാട്ടില് മാത്രമല്ല ഇന്ത്യയുടെ പല ഭാഗങ്ങളിലും സിനിമ തിയേറ്ററുകള് തുറന്നു പ്രവര്ത്തനം ആരംഭിച്ചുകഴിഞ്ഞു. സര്ക്കാരിന്റെ അനുകൂല്യങ്ങള് അംഗീകരിച്ചും മുന്നറിയിപ്പുകള് പാലിച്ചുകൊണ്ടുമാണ് തീയേറ്ററുകള് പ്രവര്ത്തിക്കുന്നത്. സംസ്ഥാനത്തെ മുഴുവന് തിയേറ്ററുകളും തുറന്നിട്ടില്ലെങ്കിലും നഗര പ്രദേശത്തെ എ, ബി സെന്ററുകളും ഷോപ്പിങ് മാളുകളിലെ മള്ട്ടിപ്ലെക്സ് തീയേറ്ററുകളിലുമാണ് സിനിമകള് റിലീസ് ചെയ്തിട്ടുള്ളത്. ഗ്രാമീണമേഖലയിലെ തിയേറ്ററുകള് തുറക്കുന്നത് സംബന്ധിച്ച് വ്യക്തമായതീരുമാനം ഉണ്ടായിട്ടില്ല. പ്രധാനകാരണം ജനങ്ങളെ ബാധിച്ചിട്ടുള്ള ഭയം തന്നെയാണ്. കോവിഡ് പ്രോട്ടോകോള് അനുസരിച്ച് പ്രദര്ശനം ആരംഭിച്ചിട്ടുള്ള തീയേറ്ററുകളില് 50 ശതമാനം ടിക്കറ്റുകള് മാത്രമാണ് വില്ക്കാന് പാടുള്ളൂ, ഒന്നിടവിട്ട സീറ്റുകളില് ഇരിക്കാം. അജിത്തും നയന്താരയും അഭിനയിച്ച വിശ്വാസം, വിജയ് നയന്താര ചിത്രം ബിഗില്, ദുല്ഖര് സല്മാന്റെ കണ്ണും കണ്ണും കൊള്ളയടിത്താല് എന്നീ സിനിമകളാണ് ഇപ്പോള് റിലീസ് ചെയ്തിട്ടുള്ളത്. ഈ മൂന്ന് ചിത്രങ്ങളും ലോക്കഡൗണിന് മുമ്പ് തീയേറ്ററുകളിലെത്തി വിജയം നേടിയ സിനിമകളാണ്. ഒരു റൗണ്ട് കളിച്ചു പോയ സിനിമകളാണെങ്കിലും ജനങ്ങള് തീയേറ്ററിലേക്ക് വന്നു തുടങ്ങി എന്നാണ് തമിഴ്നാട്ടില് നിന്ന് ലഭിക്കുന്ന വിവരം. തമിഴില് ഉടനെ റിലീസ് ചെയ്യാന് പോകുന്ന ഏറ്റവും പുതിയ ചിത്രം സൂര്യയുടെ 'സൂറൈപോട്ട്റ്' ആണ്, അതു പക്ഷേ തീയേറ്ററുകളിലേക്ക് അല്ല വരുന്നത്. നേരിട്ട് OTT പ്ലാറ്റ്ഫോമിലാണ് എത്തുന്നത്.