സി എന് എ-
ചെന്നൈ:
തമിഴ്നാട്ടിലെ തിയ്യേറ്ററുകളിലും മള്ട്ടിപ്ലക്സുകളിലും ഏര്പ്പെടുത്തിയ നിയന്ത്രണങ്ങള് റദ്ദാക്കി സംസ്ഥാന സര്ക്കാര്. തീയറ്ററുകളില് ഇനി 100 ശതമാനം കാണികളേയും പ്രവേശിപ്പിക്കും. സാമ്പത്തിക നഷ്ടം കണക്കിലെടുത്താണ് മുഴുവന് ആളുകളെയും ഉള്ക്കൊള്ളിക്കാന് സര്ക്കാര് തീരുമാനിച്ചിരിക്കുന്നത്.
കേന്ദ്ര സര്ക്കാരിന്റെ കൊറോണ മാനദണ്ഡത്തെ മറികടന്നാണ് തമിഴ്നാട് ചീഫ് സെക്രട്ടറി ഈ തീരുമാനമെടുത്തിരിക്കുന്നത്.
കൊറോണ കേസുകള് കുറയുന്നത് കണക്കിലെടുത്താണ് തീരുമാനമെടുത്തതെന്ന് ചീഫ് സെക്രട്ടറി ഉത്തരവില് പറയുന്നു.
വിജയ്യുടെ 'മാസ്റ്റര്' ഈ മാസം 13ന് തീയറ്ററിലെത്തുന്ന സാഹചര്യത്തിലാണ് തീരുമാനം.
അമ്പത് ശതമാനം കാണികളെ മാത്രം പ്രവേശിപ്പിച്ചാല് കടുത്ത നഷ്ടമുണ്ടാക്കുമെന്ന് തീയറ്റര് ഉടമകളും വിജയും മുഖ്യമന്ത്രി പളനിസ്വാമിയോട് ആവശ്യപ്പെട്ടിരുന്നു.