സി എന് എ-
ഹൈദരാബാദ്:
സിംഗിള് സ്ക്രീന് തിയേറ്ററുകളും മള്ട്ടിപ്ലക്സുകളും ബിസിനസിനായി വീണ്ടും തുറക്കാന് അനുമതി നല്കിയാണ് തെലങ്കാന സര്ക്കാര് ഔദ്യോഗിക ഉത്തരവ് പുറപ്പെടുവിച്ചത്. COVID19 പ്രോട്ടോക്കോള് എന്ന നിലയില് സിനിമാശാലകള്, തിയേറ്ററുകള്, മള്ട്ടിപ്ലക്സുകള് അവരുടെ ഇരിപ്പിട ശേഷിയുടെ 50ശതമാനം വരെ കണ്ടെയ്ന്മെന്റ് സോണിന് പുറത്തുള്ള പ്രദേശങ്ങളില് മാത്രം തുറന്നു പ്രവര്ത്തിക്കാന് അനുവദിച്ചു.
സ്റ്റാഫുകള്ക്കു ഫെയ്സ്മാസ്ക്, വിവിധസ്ഥലങ്ങളില് കൈ ശുചിയാക്കാന് വേണ്ടി സാനിറ്റൈസര്, വെള്ളം, സോപ്പ് എന്നിവ നിര്ബന്ധം. ഫുഡ് കൗണ്ടറില് ശാരീരിക അകലം ഉറപ്പാക്കുക, ജനക്കൂട്ടത്തെ നിയന്ത്രിക്കുന്നരീതികള്, സുരക്ഷാ നടപടികള് ഉള്പ്പെടെയുള്ള കാര്യങ്ങള് സര്ക്കാര് സര്ക്കുലറില് വ്യക്തമാക്കുന്നു. ചലച്ചിത്ര വ്യവസായത്തെ സംരക്ഷിക്കുന്നതിനായി സര്ക്കാര് നിരവധി ദുരിതാശ്വാസ നടപടികള് വാഗ്ദാനം ചെയ്തിട്ടുണ്ട്. വലിയ നഷ്ടം നേരിട്ട് കൊണ്ടിരിക്കുന്ന ചലച്ചിത്രമേഖലയെ പുനരുജ്ജീവിപ്പിക്കുന്നതിന് സര്ക്കാരിന്റെ അനുകമ്പാപരമായ നടപടികള് തീര്ച്ചയായും ഗുണം ചെയ്യും. ചലച്ചിത്ര വ്യവസായത്തിന് ചിരഞ്ജീവിയുടെയും നാഗാര്ജുനയുടെയും നേതൃത്വത്തിലുള്ള പ്രതിനിധി സംഘം അടുത്തിടെ കെ ചന്ദ്രശേഖര് റാവുവിനെ സന്ദര്ശിക്കുകയും സര്ക്കാരിന്റെ സഹായം തേടിയിരുന്നു എന്നതും ശ്രദ്ധിക്കേണ്ടതുണ്ട്.