സി എന് എ-
ചെന്നൈ:
യുവ സംവിധായകന് നെല്സണ് ദിലീപ് കുമാര് സംവിധാനം ചെയ്യുന്ന ഇളയ ദളപതി വിജയ് ചിത്രത്തിലേക്കാണ് രശ്മിക മന്ദാന നായികയായി എത്തുന്നത്.
ഏപ്രില് മാസത്തില് സിനിമയുടെ ചിത്രീകരണം ആരംഭിക്കുമെന്നും വാര്ത്തകളുണ്ട്.
'ദളപതി 65' എന്ന് പേരിട്ടിരിക്കുന്ന ചിത്രത്തിന്റെ അണിയറ പ്രവര്ത്തകരാണ് വാര്ത്ത പുറത്തുവിട്ടിരിക്കുന്നത്.
പതിവ് വിജയ് ചിത്രങ്ങള് പോലെ ആക്ഷന് കോമഡി ത്രില്ലറായിരിക്കും പുതിയ ചിത്രവും. സിനിമയുടെ പ്രധാന ഭാഗങ്ങള് വിദേശത്തു വെച്ചായിരിക്കും ചിത്രീകരിക്കുക. വിജയിയുടെ നായികമാരായി രണ്ടു പേര് ഉണ്ടാകുമെന്നും വാര്ത്തകളുണ്ട്.
കുറഞ്ഞ കാലത്തിനുള്ളില് തെന്നിന്ത്യ മുഴുവന് ആരാധകരെ സൃഷ്ടിക്കാന് സാധിച്ച ഒരു നടിയാണ് രശ്മിക. കന്നഡ, തെലുഗു ഫിലിം ഇന്ഡസ്ട്രിയില് നിലവില് ഏറ്റവും കൂടുതല് പ്രതിഫലം വാങ്ങുന്ന നായികകൂടിയാണ് രശ്മിക.
ചിത്രത്തിലെ നായിക കഥാപാത്രത്തിനായി സംവിധായകന് രശ്മികയെ സമീപിച്ചുവെന്നും ഹൈദരാബാദില് വെച്ച് നടന്ന കൂടിക്കാഴ്ച്ചയില് സിനിമയില് അഭിനയിക്കാന് രശ്മിക സമ്മതം മൂളിയതായാണ് വാര്ത്ത.
ഔദ്യോഗിക പ്രഖ്യാപനം മാര്ച്ചില് ഉണ്ടാകുമെന്നാണ് സൂചന.
വില്ലന് കഥാപാത്രത്തെ അവതരിപ്പിക്കാന് തെന്നിന്ത്യയിലെ പ്രധാന നടനെയാണ് സമീപിച്ചതെന്നും വാര്ത്തകളുണ്ട്.