സി എന്‍ എ-
മുംബൈ:
സെയ്ഫ് അലി ഖാന്‍ രാഷ്ട്രീയ നേതാവായെത്തുന്ന 'താണ്ഡവ്' എന്ന പുതിയ വെബ് സീരിസിന്റെ ടീസര്‍ എത്തി.
ഒരു മിനിറ്റ് ദൈര്‍ഘ്യമുള്ള ടീസറില്‍ അണികളെ നോക്കി കൈവീശുന്നതും അണികള്‍ കൊടികള്‍ വീശുന്നതും ടീസറില്‍ കാണാം.
ഹിമാന്‍ഷു കിഷന്‍ നിര്‍മ്മിക്കുന്ന സീരിസ് ഒരു പൊളിറ്റിക്കല്‍ ത്രില്ലറായാണ് അണിയിച്ചൊരുക്കുന്നത്. അലി അബ്ബാസ് സഫറാണ് 'താണ്ഡവ്' സംവിധാനം ചെയ്തിരിക്കുന്നത്. ഒന്‍പത് എപ്പിസോഡുകളായാണ് 'താണ്ഡവ്' ആമസോണ്‍ പ്രൈമിലൂടെ ജനുവരി 15 മുതല്‍ പ്രേക്ഷകരിലേക്ക് എത്തുക.
ഡിംബിള്‍ കപാടിയ, സുനില്‍ ഗോവര്‍, ടിഗ്മന്‍ഷു ദുലിയ, മുഹമ്മദ് സീഷന്‍ അയ്യൂബ്, കൃതിക കമ്ര, കുമുദ് കുമാര്‍ മിശ്ര, സാറാ ജെയ്ന്‍ ഡയസ്, ഡിനോ മോറിയ, ഗൗഹര്‍ ഖാന്‍, സന്ധ്യ മൃദുല്‍, അന്നൂപ് സോണി, പരേഷ് പഹുജ, സോനാലി നാഗ്രാനി, ഹിറ്റന്‍ തെജ്വാനി, അമീറ ദസ്തൂര്‍, നേഹ ഹിംഗെ എന്നിവരാണ് താണ്ഡവിലെ മറ്റ് പ്രധാന താരങ്ങള്‍. 'താണ്ഡവ്' അലി അബ്ബാസ് ഖാന്റെ ഡിജിറ്റല്‍ മേഖലയിലെ ആദ്യ സംരംഭമെന്ന പ്രത്യേകതയും ഈ സീരീസിനുണ്ട്.
ഇന്ത്യന്‍ രാഷ്ട്രീയത്തെ വെട്ടിത്തുറന്നു കാണിക്കുന്നതാകും താണ്ഡവെന്നാണ് സംവിധായകന്‍ പറയുന്നത്.
