സി എന് എ-
മുംബൈ:
സെയ്ഫ് അലി ഖാന് നായകനായ 'താണ്ഡവ്' എന്ന വെബ് സീരീസില് ഹിന്ദു ദൈവങ്ങളെ അവഹേളിക്കുന്ന രംഗങ്ങളുണ്ടെന്ന ആരോപണമാണ് വിവാദമായത്.
ആമസോണ് പ്രൈം വീഡിയോയില് വെള്ളിയാഴ്ച റിലീസ് ചെയ്ത 'താണ്ഡവ്' ഒന്പത് എപ്പിസോഡ് നീളുന്ന പൊളിറ്റിക്കല് ഡ്രാമയാണ്. വെബ്സീരീസിന്റെ ആദ്യ എപ്പിസോഡിലെ 17ാം മിനിറ്റിലാണ് വിവാദമായ രംഗം.
സീരീസിനെതിരെ പ്രതിഷേധം ശക്തമാക്കി വീണ്ടും ബിജെപി രംഗത്തെത്തിയിരിക്കുകയാണ്. ദില്ലിയിലും മുംബൈയിലും ചിത്രത്തിനെതിരെ പ്രതിഷേധം നടന്നു.
നോയിഡക്കും ലക്നൗവിനും പിന്നാലെ ഭോപ്പാലിലും മുംബൈയിലും ജബല്പൂരിലും അണിയറപ്രവര്ത്തകര്ക്കെതിരെ മതവികാരം വ്രണപ്പെടുത്തിയതിന് കേസ് എടുത്തു.
ഹിന്ദു വികാരം വ്രണപ്പെടുത്തിയതിന് അണിയറ പ്രവര്ത്തകര് നിയമനടപടികള് നേരിടേണ്ടിവരുമെന്ന് യുപി ഉപമുഖ്യമന്ത്രി കേശവ് പ്രസാദ് മൗര്യ വ്യക്തമാക്കി.
ലക്നോവിലെ ഹസ്രത്ഗഞ്ച് പോലീസ് സ്റ്റേഷനിലും കേസ് രജിസ്റ്റര് ചെയ്തിട്ടുണ്ട്. സ്റ്റേഷനിലെ തന്നെ എസ്ഐയുടെ പരാതിയിലാണ് കേസ്. മതസ്പര്ധ ഉണ്ടാക്കി, ആരാധനാലയത്തെ അപകീര്ത്തിപ്പെടുത്തി തുടങ്ങിയ വകുപ്പുകള് ചുമത്തിയാണ് കേസെടുത്തിരിക്കുന്നത്. ഇതിന് പിന്നാലെ യുപി മുഖ്യമന്ത്രി യോഗി ആദിത്യനാഥിന്റെ മാധ്യമ ഉപദേഷ്ടാവ് ശലഭ് മണി ത്രിപാഠി എഫ്ഐആറിന്റെ പകര്പ്പ് സോഷ്യല് മീഡിയിലൂടെ പങ്കുവച്ചിരുന്നു.
മതവികാരം വ്രണപ്പെടുത്തിയെന്നാരോപിച്ച് കേസ് രജിസ്റ്റര് ചെയ്തതിനു തൊട്ടുപിന്നാലെയാണ് വിവാദ ഭാഗങ്ങള് നീക്കാന് തയാറായി നിര്മാതാക്കള് പ്രസ്താവന നടത്തിയത്.
രാജ്യത്തെ ജനങ്ങളുടെ വികാരങ്ങളോട് അങ്ങേയറ്റം ബഹുമാനമുണ്ട്. ഏതെങ്കിലും വ്യക്തി, ജാതി, സമൂഹം, വംശം, മതം, മതവിശ്വാസം എന്നിവയുടെ വികാരങ്ങളെ വ്രണപ്പെടുത്താനോ ഏതെങ്കിലും സ്ഥാപനത്തെയോ രാഷ്ട്രീയ പാര്ട്ടിയെയോ വ്യക്തിയെയോ അപമാനിക്കാനോ പ്രകോപിപ്പിക്കാനോ ഉദ്ദേശിച്ചിരുന്നില്ലെന്ന് നിര്മാതാക്കള് പ്രസ്താവനയില് പറഞ്ഞു.
ഡിംപിള് കപാഡിയ, സുനില് ഗ്രോവര്, ടിഗ്മാന്ഷു ദുലിയ, ദിനോ മോറിയ കുമുദ് മിശ്ര, ഗൗഹര് ഖാന്, അമീറ ദസ്തൂര്, മുഹമ്മദ് എന്നിവര് വേഷമിട്ടിട്ടുണ്ട്.