സി എന്‍ എ-
കൊച്ചി:
യാത്ര ഇഷ്ടപ്പെടുന്നവര്‍ക്ക് ഇതൊരു രസകരമായ കാഴ്ച്ചാ അനുഭവമായിരിക്കും. അഞ്ചുപേര്‍ മൂന്നു ബൈക്കുകളിലായി പത്തിലധികം സംസ്ഥാനങ്ങളിലൂടെ 7000 കി.മീറ്റര്‍ സഞ്ചരിച്ചു മുപ്പത് ലൊക്കേഷനുകളിലായിട്ടാണ് പാട്ട് ചിത്രീകരിച്ചത്.
അനന്തു രാജന്‍ സംവിധാനം ചെയ്ത റോഡ് വീഡിയോ സോങ് തെന്നിന്ത്യയിലെ പ്രശസ്ത സംവിധായകന്‍ ഗൗതം വാസുദേവ് മേനോന്റെ ഒന്‍ഡ്രാഗ എന്റര്‍ടെയ്ന്‍മെന്റ് യൂട്യൂബ് ചാനലാണ് റിലീസ് ചെയ്തിരിക്കുന്നത്.
കേരളം മുതല്‍ കശ്മീര്‍ വരെ നീളുന്ന യാത്രാ ചിത്രീകരണത്തിന്റെ ഗാനരചന ബാബു ടി.ടി യും സംഗീതം അനൂപ് നിരിച്ചനും നിര്‍വഹിച്ചിരിക്കുന്നു. കൃഷ്ണയാണ് ഗായിക.
സംവിധായകന്‍ അനന്തു രാജന്റെ നേതൃത്വത്തില്‍ ബിബിന്‍ ജോസഫ്, രഞ്ജിത്ത് നായര്‍, അഖില്‍ സന്തോഷ്, അരുണ്‍ ബാബു എന്നിവരടങ്ങുന്ന സംഘം 30 ദിവസം കൊണ്ടാണ് കശ്മീര്‍യാത്ര പൂര്‍ത്തിയാക്കിയത്.
