സി എന് എ-
ഇന്റര്നാഷണല് ഡെസ്ക്:
യുഎസ് പ്രസിഡന്റ് ഡോണള്ഡ് ട്രംപിനെ മുഖ്യ കഥാപാത്രമാക്കി നെറ്റ്ഫ്ലിക്സ് കോമഡി സീരീസ് വരുന്നു. സീരീസ് നിര്മിക്കുന്നത് യുഎസ് മുന് പ്രസിഡന്റ് ബറാക്ക് ഒബാമയും ഭാര്യ മിഷേല് ഒബാമയും ചേര്ന്നാണ്. ഇവര്ക്കൊപ്പം കൊമേഡിയന് താരം ആദം കൊണോവറും നിര്മ്മാണ പങ്കാളിയാകും. ആദം കൊണോവര് ഇക്കാര്യം തന്റെ ട്വീറ്റിലൂടെ വെളിപ്പെടുത്തുകയും ചെയ്തു. 2018ല് പുറത്തിറങ്ങിയ മൈക്കില് ലൂയിസിന്റെ 'ദ ഫിഫ്ത്ത് റിസ്ക്' എന്ന പുസ്തകത്തെ ആധാരമാക്കിയാണ് സീരീസ് ഒരുങ്ങുന്നത്. 2016ല് റിപ്പബ്ലിക്കന് പാര്ട്ടി സ്ഥാനാര്ത്ഥിയായിരുന്ന ഡോണള്ഡ് ട്രംപ് യുഎസ് പ്രസിഡന്റ് തിരഞ്ഞെടുപ്പില് വിജയിച്ചതിനെ തുടര്ന്ന് അധികാരക്കൈമാറ്റ നടപടികളുമായി ബന്ധപ്പെട്ടുണ്ടായ അരാജകത്വങ്ങളെക്കുറിച്ചാണ് ഈ പുസ്തകം സംസാരിക്കുന്നത്. മൈക്കള് ലൂയിസിന്റെ 'മണി ബോള്','ദ ബിഗ് ഷോര്ട്ട്' തുടങ്ങിയ പുസ്തകങ്ങളും ഇതിനു മുന്പ് സിനിമയായിട്ടുണ്ട്.
ഷോകളൊരുക്കുന്നതിനും, സിനിമ നിര്മ്മിക്കുന്നതിനും ബരാക്ക് ഒബാമയുടെയും മിഷേല് ഒബാമയുടെയും പ്രൊഡക്ഷന് കമ്പനി കഴിഞ്ഞ വര്ഷം മെയ് മാസത്തില് നെറ്റ്ഫ്ലിക്സുമായി കരാറില് എത്തിയിരുന്നുവെന്നു cnn റിപ്പോര്ട്ട് ചെയ്യുന്നു.