Editor - MM Kamath
തിരു:
മലയാളത്തിന്റെ സ്വന്തം ആക്ഷന് ഹീറോ ബാബു ആന്റണി, ഒരു ഇടവേളയ്ക്ക് ശേഷം വീണ്ടും ആക്ഷന് ഹീറോയായി മലയാള സിനിമയില് തിരിച്ചു വരുന്നു.
'ഔട്ടറേജ്' എന്ന ഹോളിവുഡ് ചിത്രത്തിലൂടെ ശ്രദ്ധേയനായ മലയാളി സംവിധായകനും, ഹോളിവുഡിലെ പ്രമുഖ ആക്ഷന് കോറിയോഗ്രാഫറുമായ സന്ദീപ് ജെ. എല് ആണ്, 'ദി ഗ്രേറ്റ് എസ്കേപ്പ്' എന്ന് പേരിട്ട ബാബു ആന്റണി ചിത്രം സംവിധാനം ചെയ്യുന്നത്.
സൗത്ത് ഇന്ത്യന് യു.എസ്. ഫിലിംസിന്റെ ബാനറില് നിര്മ്മിക്കുന്ന ഈ ചിത്രത്തിന്റെ പൂജ അമേരിക്കയിലെ ടെക്സാസില് നടന്നു. തുടര്ന്ന് ടെക്സാസില് ചിത്രീകരണം ആരംഭിച്ചു.
ഇതുവരെ മലയാളത്തില് പരീക്ഷിച്ചിട്ടില്ലാത്ത, ഹോളിവുഡ് ലെവല് ആക്ഷന് രംഗങ്ങള് ഈ ചിത്രത്തിന്റെ പ്രത്യേകതയാണ്. തികച്ചും, ഒരു ആക്ഷന് ത്രില്ലര് ചിത്രമായി അണിഞ്ഞൊരുങ്ങുന്ന 'ദി ഗ്രേറ്റ് എസ്കേപ്പ്', ബാബു ആന്റണിയുടെ പുതിയൊരു മുഖമായിരിക്കും അവതരിപ്പിക്കുക.
ബോബ് എന്ന ധീരനും, മികച്ച യോദ്ധാവുമായ കഥാപാത്രത്തെയാണ് ബാബു ആന്റണി അവതരിപ്പിക്കുന്നത്. മികച്ച ആക്ഷന് ചിത്രങ്ങളിലൂടെ മലയാളികളുടെ മനം കവര്ന്ന ബാബു ആന്റണിയുടെ വമ്പന് തിരിച്ചു വരവ് തന്നെയായിരിക്കും ഈ ചിത്രം.
രചന- യഥുകൃഷ്ണന്, പി.ആര്.ഒ- അയ്മനം സാജന്.
ബാബു ആന്റണിയോടൊപ്പം, മലയാളത്തിലെയും, ഹോളിവുഡിലെയും, മികച്ച താരങ്ങളും, സംവിധായകന് സന്ദീപും, പുതുമുഖങ്ങളും വേഷമിടുന്നു.
Online PR - CNA.