Editor- MM Kamath
കൊച്ചി:
സാകോണ് മീഡിയയുടെ ബാനറില് അന്സാര് നെടുമ്പാശ്ശേരി സംവിധാനം ചെയ്യുന്ന 'The Otherside' എന്ന ഹ്രസ്വചിത്രത്തിന്റെ ആദ്യ കാരക്ടര് പോസ്റ്റര് പുറത്തിറങ്ങി.
പ്രശസ്ത നടന് ജയന് ചേര്ത്തലയുടെ ഫേസ്ബുക് പേജിലൂടെയാണ് പോസ്റ്റര് പ്രകാശനം ചെയ്തത്.
ചിത്രത്തിന്റെ മുമ്പിറങ്ങിയ പോസ്റ്ററുകളുടെ തുടര്ച്ചയായി, ഇരുട്ടിലേക്കു തിരിഞ്ഞു നിന്ന കഥാപാത്രത്തിന്റെ മുഖം വ്യക്തമാവുന്ന രീതിയിലുള്ള മോഷന് പോസ്റ്റര് ആയാണ് ഇത് തയാറാക്കിയിരിക്കുന്നത്.
'The Countdown Begins to Reveal the Otherside' എന്ന അടിക്കുറിപ്പോടെയായിരുന്നു മുന് പോസ്റ്ററുകള്. ചിത്രത്തില് മുഖ്യകഥാപാത്രത്തെ അവതരിപ്പിക്കുന്ന മുഹമ്മദ് രന്തീസിയാണ് വെളിച്ചത്തിലേക്കു വരുന്ന താരം.
ആര്ട്ടിസ്റ്റ് എം. കുഞ്ഞാപ്പ ഡിസൈന് ചെയ്ത പോസ്റ്റര് ആദ്യ ദിവസം തന്നെ ഏറെ ശ്രദ്ധിക്കപ്പെട്ടു.
സമകാലീകപ്രസക്തമായ വിഷയമാണ് ചിത്രം അവതരിപ്പിക്കുന്നത്. നിര്മാതാവു കൂടിയായ ഷിഹാബ് സാകോണിന്റെതാണ് കഥ.
സ്ക്രിപ്റ്റ് & അസോസിയേറ്റ് ഡയറക്ടര്: എം. കുഞ്ഞാപ്പ, ഛായാഗ്രഹണം: നൗഷാദ് ഷെരീഫ്, കലാസംവിധാനം: റഹ്മാന് ഡിസൈന്, ചിത്രസംയോജനം: രാജീവ് രാമചന്ദ്രന്, സംഗീതം: ഷിയാദ് കബീര്, സ്റ്റില്സ്: ഷാജി വര്ണം, പ്രൊഡക്ഷന് കണ്ട്രോളര്: നിസാര് വാരാപ്പുഴ, പ്രൊഡഷ്ഷന് എക്സിക്യൂട്ടീവ്: കെ.എ. നജീബ്. കാമറ സഹായികള്: രോഹിത് കിഷോര്, അഖില് കൃഷ്ണനാഥന്, അനന്ദു, നിഥിന് പ്രദീപ്, ആര്ട്ട് സഹായി: മുഹമ്മദ് നിഹാല്, ക്രിയേറ്റീവ് സപ്പോര്ട്ട്: അന്സാര് പള്ളിപ്പുറം.
Click Here to Watch the Poster
Online PR - CinemaNewsAgency.Com