അഞ്ജു അഷറഫ്-
കൊച്ചി:
'ദി പ്രീസ്റ്റ്' ഉടനെ എത്തുമെന്ന് മമ്മൂട്ടിയുടെ ഔദ്യോഗിക ഫേസ്ബുക്ക് പോസ്റ്റ്. കൂടെ പുതിയ പോസ്റ്ററും മമ്മുട്ടി പങ്കുവെച്ചിട്ടുണ്ട്.
മമ്മൂട്ടിയും മഞ്ജു വാര്യരും ആദ്യമായി ഒന്നിച്ചു അഭിനയിക്കുന്ന ചിത്രമാണ് 'ദി പ്രീസ്റ്റ്'.
ജോഫിന് ടി ചാക്കോ തിരക്കഥയെഴുതി സംവിധാനം ചെയ്യുന്ന ചിത്രത്തില് മമ്മൂട്ടിക്കും മഞ്ജു വാര്യര്ക്കുമൊപ്പം നിഖില വിമല്, സാനിയ ഇയ്യപ്പന്, ശ്രീനാഥ് ഭാസി, ജഗദീഷ്, രമേഷ് പിഷാരടി, ശിവദാസ് കണ്ണൂര്, ശിവജി ഗുരുവായൂര്, ദിനേശ് പണിക്കര്, നസീര് സംക്രാന്തി, മധുപാല്, ടോണി, സിന്ധു വര്മ്മ, അമേയ (കരിക്ക് ഫെയിം) തുടങ്ങി നിരവധി താരങ്ങള് ചിത്രത്തില് അണിനിരക്കുന്നുണ്ട്. കൈതി, രാക്ഷസന് തുടങ്ങിയ ചിത്രങ്ങളിലൂടെ തിളങ്ങിയ ബേബി മോണിക്കയും ചിത്രത്തില് ഒരു പ്രധാന വേഷം ചെയ്യുന്നുണ്ട്.