സി എന് എ-
കൊച്ചി:
മമ്മൂട്ടിയും മഞ്ജു വാര്യരും ആദ്യമായി ഒന്നിച്ച് അഭിനയിക്കുന്ന 'ദി പ്രീസ്റ്റ്' മാര്ച്ച് 4ന് തിയറ്ററുകളിലെത്തും.
നവാഗതനായ ജോഫിന് ടി ചാക്കോ സംവിധാനം ചെയ്യുന്ന ചിത്രമാണ് 'ദി പ്രീസ്റ്റ്'.
ഫെബ്രുവരി നാലിന് റിലീസ് നിശ്ചയിച്ചിരുന്ന ചിത്രം സെക്കന്ഡ് ഷോ ഇല്ലാതെ ബിഗ് ബജറ്റ് ചിത്രങ്ങളുടെ റിലീസ് വേണ്ടെന്ന നിര്മ്മാതാക്കളുടെ തീരുമാനത്തെ തുടര്ന്നാണ് നീട്ടിയത്.
നിഖില വിമല്, ശ്രീനാഥ് ഭാസി, സാനിയ അയ്യപ്പന്, ജഗദീഷ്, മധുപാല്, ടി ജി രവി, രമേശ് പിഷാരടി, ശിവദാസ് കണ്ണൂര്, കരിക്ക് ഫെയിം അമേയ, വെങ്കിടേഷ്, ബേബി മോണിക്ക എന്നിവര് പ്രീസ്റ്റിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നു.
ആന്റോ ജോസഫ് ഫിലിം കമ്പനിയും ആര് ഡി ഇല്ലുമിനേഷന്സിന്റെയും ബാനറില് ആന്റോജോസഫ്, ബി ഉണ്ണികൃഷ്ണന്, വി എന് ബാബു എന്നിവര് ചേര്ന്നാണ് ചിത്രം നിര്മ്മിക്കുന്നത്. സംവിധായകന്റെ കഥക്ക് ദീപു പ്രദീപും ശ്യാം മേനോനും ചേര്ന്ന് തിരക്കഥ എഴുതിയിരിക്കുന്നു.
ബി കെ ഹരിനാരായണന്റെ വരികള്ക്ക് സംഗീതം രാഹുല് രാജ് സംഗീതം ഒരുക്കുന്നു. ഛായാഗ്രഹണം- അഖില് ജോര്ജ്ജ്, എഡിറ്റര്- ഷമീര് മുഹമ്മദ്. പ്രൊജക്ട് ഡിസൈനര്- ബാദുഷ. ആര്ട്ട് ഡയറക്ടര്- സുജിത്ത് രാഘവ്, മേക്കപ്പ്- ജോര്ജ് സെബാസ്റ്റ്യന്, അമല് ചന്ദ്രന്, കോസ്റ്റ്യൂം- പ്രവീണ് വര്മ്മ, സ്റ്റണ്ട്- സുപ്രീം സുന്ദര്, മാഫിയ ശശി. ചീഫ് അസോസിയേറ്റ് ഡയറക്ടര്- ബേബി പണിക്കര്, അസോസിയേറ്റ് ഡയറക്ടര്- പ്രേംനാഥ്, ചീഫ് അസോസിയേറ്റ് ക്യാമറാമാന്- പ്രവീണ് ചക്രപണി. പ്രൊഡക്ഷന് കണ്ട്രോളര്- പ്രശാന്ത് നാരായണന്.