CNA
തൃശൂര്‍:
ലഹരിക്ക് അടിമപ്പെട്ട് പഴയ ജീവിതത്തിലേക്ക് തിരിച്ചു പോകാന്‍ കഴിയാതെ മാനസിക പിരിമുറുക്കങ്ങളോട് പൊരുതുന്ന ഒരു യുവാവിന്റെ കഥ പറയുന്ന ഷോര്‍ട്ട് ഫിലിം ആണ് 'ദി സ്റ്റേവ്'. 'ബിറ്റ്വീന്‍ ലൈഫ് ആന്‍ഡ് അഡിക്ഷന്‍' എന്നാണ് ചിത്രത്തിന്റെ ടാഗ് ലൈന്‍.
ലഹരികളാല്‍ മാതാപിതാക്കള്‍, സാഹോദര്യ സുഹൃത്ത് ബന്ധങ്ങള്‍ എന്താണെന്ന് പോലും തിരിച്ചറിയാന്‍ പറ്റാത്ത യുവാവിന്റെ കഥയാണ് ചിത്രം പറയുന്നത്.
ഡാര്‍ക്‌സ് വാമ്പയര്‍ എന്റര്‍ടെയ്ന്‍മെന്റിന്റെ ബാനറില്‍ ഒരുങ്ങുന്ന ചിത്രം ഫഹ്‌സാന്‍ അബൂബക്കറാണ് കഥയെഴുതി സംവിധാനം ചെയ്യുന്നത്.
നികിഥ് വെഡിംഗ് ഡിസൈന്‍ ആണ് ചിത്രത്തിന്റെ നിര്‍മ്മാണം നിര്‍വ്വഹിക്കുന്നത്.
ക്യാമറ- ശ്രീരാഗ് ജാക്‌സന്‍, എഡിറ്റിങ്- ടിറ്റോ, ഐ ക്യാം ആഡ് വിഷന്‍. കലാ സംവിധാനം- ശഫീക്, സഹായികള്‍- ഷാജി, സുരാജ് ഹരിശ്രീ വെഡിംഗ്‌സ്, ആരിഫ്, ഫായിസ്.
ഡിസംബര്‍ 20ന് വൈകീട്ട് 5ന് ഡാര്‍ക്‌സ് വാമ്പയര്‍ എന്റര്‍ടെയ്ന്‍മെന്റിന്റെ യൂട്യൂബ് ചാനലിലൂടെ 'ദി സ്റ്റേവ് ബിറ്റ്വീന്‍ ലൈഫ് ആന്‍ഡ് അഡിക്ഷന്‍' റിലീസ് ചെയ്യും.
വാര്‍ത്ത പ്രചരണം- എം.എം. കമ്മത്ത്
Online PR - CinemaNewsAgency.Com
