അഞ്ജു അഷറഫ്-
തിരു:
സംസ്ഥാനത്ത് ബുധനാഴ്ച മുതല്‍ തിയേറ്ററുകള്‍ തുറന്ന് പ്രവര്‍ത്തിക്കും. ഫിലിം ചേമ്പര്‍ ഓഫ് കോമേഴ്‌സിന്റേതാണ് തീരുമാനം.
വിജയ് ചിത്രം മാസ്റ്ററാണ് ആദ്യം തിയേറ്ററുകളിലെത്തുന്ന സിനിമ. തങ്ങളുടെ ആവശ്യങ്ങള്‍ സര്‍ക്കാര്‍ അംഗീകരിച്ചു. എല്ലാ തര്‍ക്കവും അവസാനിച്ചു.
സര്‍ക്കാരിന് നന്ദിയുണ്ടെന്നും ഫിലിം ചേമ്പര്‍ പ്രതിനിധികള്‍ പറഞ്ഞു. മലയാള സിനിമകള്‍ മുന്‍ഗണനാ ക്രമത്തിലാകും റിലീസ് ചെയ്യുക. വിതരണക്കാരുടെ കുടിശിക നല്‍കാന്‍ തീയറ്റര്‍ ഉടമകള്‍ സമയം നിശ്ചയിച്ചു. സെന്‍സര്‍ പൂര്‍ത്തിയായ 11 ചിത്രങ്ങളുടെ റിലീസ് തിയ്യതി വിതരണക്കാര്‍ നിശ്ചയിക്കും.
കാര്‍മേഘങ്ങള്‍ ഒഴിഞ്ഞതോടെ എല്ലാ കണ്ണുകളും ഇപ്പോള്‍ വിജയചിത്രമായ 'മാസ്റ്ററിലേക്കാണ്. തമിഴ്‌നാടിനൊപ്പം കേരളത്തിലും ഒരേദിവസമാണ് മാസ്റ്റര്‍ പ്രദര്‍ശിപ്പിക്കുന്നത്. തമിഴ്‌നാട്ടില്‍ പൊങ്കല്‍ റിലീസായി 'മാസ്റ്റര്‍' നേരത്തെ പ്രഖ്യാപിച്ചതാണെങ്കിലും കേരളത്തില്‍ അനിശ്ചിതത്വം തുടരുകയായിരുന്നു.
'മാസ്റ്റര്‍' ഒ ടി ടി പ്ലാറ്റ്‌ഫോമിലല്ല തീയറ്ററില്‍ മാത്രമേ റിലീസ് ചെയ്യുവെന്ന് വിജയ് തിയേറ്റര്‍ ഉടമകള്‍ക്ക് നല്‍കിയ ഉറപ്പായിരുന്നു. തമിഴ്‌നാട്ടിലെ പ്രധാനപ്പെട്ട 1000 തീയേറ്ററുകളില്‍ എതിരില്ലാതെയാണ് മാസ്റ്റര്‍ പ്രദര്‍ശിപ്പിക്കുന്നത്.
കേരളത്തില്‍ കഴിഞ്ഞ ദിവസംവരെ ഉണ്ടായിരുന്ന പ്രശ്‌നങ്ങളെല്ലാം അവസാനിച്ചതോടെ തമിഴ്‌നാടിനൊപ്പം 650 തിയേറ്ററുകളില്‍ ഓപോസിഷന്‍ ഇല്ലാതെയാണ് 'മാസ്റ്റര്‍' പ്രദര്‍ശിപ്പിക്കുന്നത്.
ദക്ഷിണേന്ത്യന്‍ ചലച്ചിത്ര വേദിയില്‍ ഒരു നടന് ഇന്നോളം ലഭിക്കാത്ത വലിയ അംഗീകാരമായി തന്നെ ഇതിനെ കാണണം. കാരണം ചലച്ചിത്രവേദിയില്‍ ഇതൊരു പുതിയ ചരിത്രമാണ്. വിജയ് എന്ന നടന് മാത്രം സ്വന്തമായ ചരിത്രം. അതേസമയം എന്തുകൊണ്ട് ഒരു മലയാള സിനിമ പ്രദര്‍ശിപ്പിക്കാന്‍ കഴിയുന്നില്ല എന്ന ചോദ്യവും ഉയരുന്നു.
ഒരുപിടി സിനിമകളുടെ ചിത്രീകരണം പൂര്‍ത്തിയായി സെന്‍സര്‍ കഴിഞ്ഞിട്ടുള്ളതാണ്. എന്നിട്ടും ഈ ഘട്ടത്തില്‍ ഒരു മലയാള ചിത്രം പ്രദര്‍ശിപ്പിക്കാനാവാത്തത് വലിയ പോരായ്മയാണെന്ന്പ റയുന്നവരുമുണ്ട്.
