സി എന്‍ എ-
തിരു:
സംസ്ഥാനത്തെ സര്‍ക്കാര്‍ തിയറ്ററുകള്‍ അടുത്ത ആഴ്ച മുതല്‍ പ്രദര്‍ശന സജ്ജമാകുമെന്നും സിനിമകള്‍ പ്രദര്‍ശിപ്പിച്ചു തുടങ്ങുമെന്നും കെഎസ്എഫ് ഡി സി. അറ്റകുറ്റപ്പണികള്‍ പൂര്‍ത്തിയാക്കി സര്‍ക്കാര്‍ തിയറ്ററുകളെല്ലം തുറന്നു പ്രവര്‍ത്തനമാരംഭിക്കും. താല്‍പര്യമുള്ളവര്‍ക്ക് ചിത്രങ്ങള്‍ പ്രദര്‍ശിപ്പിക്കാന്‍ അനുവാദം നല്‍കുമെന്ന് കെഎസ്എഫ്ഡിസി എംഡി എന്‍. മായ അറിയിച്ചു.
അതേസമയം കേരളത്തിലെ തീയേറ്ററുകള്‍ തുറക്കേണ്ട എന്ന ഫിലിം ചേമ്പര്‍ തീരുമാനത്തില്‍ എക്‌സിബിറ്റേഴ്‌സിന് എതിര്‍പ്പ്. ജനുവരി 13 ആം തീയതി എങ്കിലും തിയേറ്ററുകള്‍ തുറന്നില്ലെങ്കില്‍ ഇപ്പോഴുണ്ടായിരിക്കുന്നതിലും വലിയ നഷ്ടം നേരിടേണ്ടി വരുമെന്ന ആശങ്കയില്‍ തീയറ്റര്‍ ഉടമകളുടെ ജനറല്‍ബോഡിയോഗം ഒമ്പതാം തീയതി കൊച്ചിയില്‍ ചേരും. ഈ യോഗത്തില്‍ നിര്‍ണായക തീരുമാനങ്ങള്‍ ഉണ്ടായേക്കും.
