സി എന് എ-
കൊച്ചി:
സാംസ്ഥാനത്തു തത്കാലം സിനിമ തീയേറ്റര് തുറക്കേണ്ടെന്നു ഇന്ന് ചേര്ന്ന ഫിയോക്ക് ജനറല് ബോഡി യോഗത്തില് തീരുമാനിച്ചു.
സര്ക്കാരിന് മുന്നില് സമര്പ്പിച്ച ആവശ്യങ്ങള് അംഗീകരിക്കാതെ തീയേറ്ററുകള് തുറക്കില്ലെന്നു കഴിഞ്ഞ ദിവസം ചേര്ന്ന അടിയന്തിര യോഗത്തിലും തീരുമാനം എടുത്തിരുന്നു.
ഒരു തമിഴ് സിനിമയുടെ റിലീസ് കണ്ടിട്ട് കേരളത്തിലെ തിയേറ്ററുകള് തുറക്കേണ്ട സാഹചര്യമല്ല കേരളത്തിലേതു എന്ന് സംഘടനാ ഭാരവാഹികള് അഭിപ്രായപെട്ടു നിര്മ്മാതാക്കള് ഉള്പ്പെടെ ഉള്ളവര് മുഖ്യമന്തിക്കു നിവേദനം നല്കിയിരിക്കുന്ന സാഹചര്യം കൂടി കണക്കിലെടുത്തു വേണം മുനോട്ട് പോകാനെന്നും ഭാരവാഹികള് ഓര്മപ്പെടുത്തി. തീയേറ്ററുകള് തുറക്കില്ല എന്ന തീരുമാനം ഫിലിം ചെമ്പര് നേരത്തെ അറിയിച്ചിരുന്നു.
ചേമ്പര് ഭാരവാഹികളും മുഖ്യമന്ത്രിയുമായുള്ള ചര്ച്ച തിങ്കളാഴ്ച നടക്കും. ഭാവി പരിപാടികള് അതിനു ശേഷമാകും കൈകൊള്ളുക.