CNA
കൊച്ചി:
കുടുംബസമേതം ആസ്വദിക്കാന് സെന്സര് ബോര്ഡിന്റെ ക്ലീന് 'U' സര്ട്ടിഫിക്കറ്റുമായി 'തിരിമാലി' ജനുവരി 27 ന് തിയറ്ററുകളിലേക്ക് പ്രദര്ശനത്തിന് എത്തുന്നു.
കഥയിലും ദൃശ്യപരിചരണത്തിലും ഒരുപോലെ മികവുപുലര്ത്തിയ സിനിമയെന്നാണ് ബോര്ഡ് അംഗങ്ങളുടെ അഭിപ്രായം.
ബിബിന് ജോര്ജ്, ജോണി ആന്റണി, ധര്മ്മജന് ബോള്ഗാട്ടി എന്നിവര് കേന്ദ്ര കഥാപാത്രങ്ങളാകുന്ന ചിത്രമാണ് 'തിരിമാലി'.
എയ്ഞ്ചല് മരിയ സിനിമാസിന്റെ ബാനറില് എസ് കെ. ലോറന്സ് നിര്മ്മിച്ച സിനിമ രാജീവ് ഷെട്ടിയാണ് സംവിധാനം ചെയ്തിരിക്കുന്നത്.
സംവിധായകനൊപ്പം തിരക്കഥ എഴുതിയത് സേവ്യര് അലക്സ് ആണ്.
ഹരീഷ് കണാരന്, സലിംകുമാര്, ഇന്നസെന്റ്, അന്ന രേഷ്മ രാജന്, അസീസ് നെടുമങ്ങാട്, നസീര് സംക്രാന്തി തുടങ്ങി നീണ്ട താരനിര തിരിമാലിയിലുണ്ട്.
നേപ്പാള് സൂപ്പര് താരം സ്വസ്തിമ കട്ക തിരിമാലിയിലൂടെ മലയാളത്തിലെത്തും.
ഛായാഗ്രഹണം- ഫൈസല് അലി, സംഗീതം & പശ്ചാത്തല സംഗീതം- ശ്രീജിത്ത് ഇടവന, ഗാനരചന- വിവേക് മുഴക്കുന്ന്.
കെ.എസ് ഹരിശങ്കര് പാടിയ 'തിരമാലി'യിലെ ആദ്യഗാനം ഇന്ന് വൈകിട്ട് അഞ്ചിന് സൈന മ്യൂസിക് യൂട്യൂബ് ചാനല് റിലീസ് ചെയ്യും.
ബിജിബാല്, സുനീതി ചൗഹാന് കൂട്ടുകെട്ടില് പിറന്ന ഹിന്ദി ഗാനവും 'തിരിമാലി'യിലുണ്ട്. എഡിറ്റിങ്- വി.സാജന്, എക്സി പ്രൊഡ്യൂസര്- നിഷാദ്, പ്രൊജക്റ്റ് ഡിസൈനര്- ബാദുഷ.
Online PR - CinemaNewsAgency.Com