സി എന് എ-
മുംബൈ:
സ്പോര്ട്സ് ബയോപിക്കിലെ താരമായ ഫറാന് അക്തര് നായകനാകുന്ന പുതിയ സ്പോര്ട്സ് കാറ്റഗറി സിനിമയാണ് 'തൂഫാന്'.
സിനിമയുടെ ഫോട്ടോകള് നേരത്തെ ഫറാന് അക്തര് ഷെയര് ചെയ്തിരുന്നു. കഴിഞ്ഞ ദിവസം 'തൂഫാന്റെ ട്രെയിലര് പുറത്തുവന്നിരുന്നു.
ഒറ്റദിവസത്തിനുള്ളില് ഒരു കോടിയോളം ആരാധകരാണ് പുറത്തിറങ്ങിയ ട്രെയിലര് കണ്ടുകഴിഞ്ഞത്.
ബോക്സിംഗ് താരം ആകാനുള്ള ഫറാന് അക്തറിന്റെ കഠിന പ്രയത്നങ്ങളാണ് ട്രെയിലറില് കാണാനാകുന്നത്.
ബോക്സിംഗ് റിംഗില് വിസ്മയിപ്പിക്കുന്ന ഫറാന് അക്തറിനെയും ട്രെയിലറില് കാണാം.
ഇപോഴിതാ പുതിയ പോസ്റ്റര് ആണ് ചര്ച്ചയാകുകയാണ്. ഫറാന് അക്തര് തന്നെയാണ് പോസ്റ്റര് ഷെയര് ചെയ്തിരിക്കുന്നത്.
ബോക്സിംഗ് റിംഗിലുള്ള ഫറാന് അക്തറിനെയാണ് ഫോട്ടോയില് കാണാനാകുന്നത്.
ചിത്രത്തില് മൃണാല് താക്കൂര്, പരേഷ് റാവല്, സുപ്രിയ പഥക് കപൂര്, ഹുസൈന് ദലാല് എന്നിവര് ശ്രദ്ധേയ വേഷങ്ങളിലെത്തുന്നു.
രാകേഷ് ഓംപ്രകാശ് മെഹ്റയാണ് 'തൂഫാന്' സംവിധാനം ചെയ്യുന്നത്. അന്ജും രാജബാലിയാണ് തിരക്കഥ തയാറാക്കിയിരിക്കുന്നത്.
ചിത്രം മെയ് 21 ന് ആമസോണ് പ്രൈം വഴി പ്രദര്ശനത്തിനെത്തും.