CNA
കൊച്ചി:
സ്റ്റീഫന് എം ജോസഫ് തമിഴിലും മലയാളത്തിലും സംവിധാനം ചെയ്യുന്ന ചിത്രമാണ് 'ടൈം റ്റു തിങ്ക്' എറണാകുളം ഇടപ്പള്ളി മെട്രോ സ്റ്റേഷനിലെ ഗ്രൗണ്ട് ഫ്ളോറില് നടന്ന വിപുലമായ ചടങ്ങില് വെച്ച് സംവിധായകരായ കണ്ണന് താമരാക്കുളം, പി കെ ബാബുരാജ്, ടി വി ചലച്ചിത്ര താരങ്ങളായ ശ്രീകുമാര്, സ്നേഹ ശ്രീകുമാര് എന്നിവരുടെ സാന്നിധ്യത്തിലാണ് 'ടൈം റ്റു തിങ്ക്' എന്ന ചിത്രത്തിന്റെ ഓഡിയോ സിഡി പ്രകാശനം നടന്നത്.
രാജീവ് ആലുങ്കല്, കവി രക്ചകന് എന്നിവരുടെ വരികള്ക്ക് നാല് സംഗീതസംവിധായകരായ കെ കെ, റോബിന് രാജശേഖര്, വി അരുണ്, എ എസ് വിജയ് എന്നിവര് ചേര്ന്നാണ് സംഗീത പകര്ന്ന നാല് ഗാനങ്ങളാണ് ഈ ചിത്രത്തിലുള്ളത്. എം ജി ശ്രീകുമാര്, കെ എസ് ഹരിശങ്കര് എന്നിവരാണ് ഗായകര്.
പ്രശസ്ത താരം ഉര്വ്വശിയുടെ കുടുംബത്തിലെ അംഗമായ പുതുമുഖ നായകന് അഭയ് ശങ്കര്, പുതുമുഖ നായിക രേവതി വെങ്കട്ട്എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.
ഉര്വശി, കലാരഞ്ജിനി, അര്ച്ചന ഗൗതം, സാം ജീവന്, അച്ചു മാളവിക, ബാര്ഗവ് സൂര്യ, ശരവണന് എന്നിവരാണ് മറ്റു താരങ്ങള്.
എവിഐ മൂവി മേക്കേഴ്സിന്റെ ബാനറില് ക്രിസ്റ്റല് ജയരാജ് പി നിര്മ്മിക്കുന്ന ബഹുഭാഷാ ചിത്രമായ 'ടൈം റ്റു തിങ്ക്'.
ഒരു പക്കാ കോമേഷ്യല് ത്രില്ലര് എന്റടെയ്നറാണ്. ഒപ്പം, ആത്മഹത്യക്ക് എതിരായിട്ടുള്ള ഒരു സാമൂഹിക ബോധവത്കരണവും ചിത്രം ലക്ഷ്യമാക്കുന്നുണ്ട്.
'സേ ലൗഡ്, നോ ടു സൂയിസൈഡ്' എന്നുള്ള ഹാഷ് ടാഗ് ഈ സിനിമയുടെ പ്രൊമോഷന് ക്യാമ്പയിന് ഭാഗമായി ഇപ്പോള് ട്രെന്ഡിംഗാണ്.
ഛായാഗ്രഹണം- ആറുമുഖം, മേക്കപ്പ്- കലൈവാണി, കോസ്റ്റ്യൂം ഡിസൈനര്- ഡയാന വിജയകുമാരി, കൊറിയോഗ്രാഫര്- ജയ്, ആക്ഷന്- ജാക്കി ജോണ്സണ്, പശ്ചാത്തല സംഗീതം- ഫ്രാന്സ്സ്കോ ട്രെസ്ക (ഇറ്റലി), സ്റ്റില്സ്- ഗിരീഷ് അമ്പാടി.
'എല്ലാ തലമുറയില് പെട്ടവര്ക്കും വളരെയധികം ആസ്വദിക്കാന് പറ്റിയ ഒരു കംപ്ലീറ്റ് പാക്കേജ് എന്റര്ടെയ്ന്ര് ചിത്രമാണ് 'ടൈം റ്റു തിങ്ക്' എന്ന് സംവിധായകന് സ്റ്റീഫന് എം ജോസഫ് പറഞ്ഞു.
വിവിധ ഭാഷകളില് ഉടന് റിലീസ് ചെയ്യാന് പോകുന്ന 'ടൈം റ്റു തിങ്ക്', ഇടുക്കി, നാഗര്കോവില്, തിരുവനന്തപുരം ചിത്രാഞ്ജലി സ്റ്റുഡിയോ, ചെന്നൈ എന്നിവിടങ്ങളിലാണ് ചിത്രീകരിച്ചത്.
ദക്ഷിണേന്ത്യയില് നിന്ന് റെഡ് എഫ്എം 93.5 ഈ ചിത്രത്തിന്റെ റേഡിയോ പാര്ട്ണറാണ്.
കൊച്ചി മെട്രോ റെയില് ലിമിറ്റഡ് ഈ ചിത്രത്തിന്റെ പ്രൊമോഷന് പാര്ട്ണര് കൂട്ടായ്മയിലുണ്ട്. എസ് ആന്റ് ടി എഡു ടെക് ക്യാമ്പയിന് സ്പോണ്സറായും ഈ ചിത്രത്തിന്റെ ഭാഗമാണ്.
പി ആര് ഒ- എ എസ് ദിനേശ്.
Online PR - CinemaNewsAgency.Com