സി എന് എ-
കൊച്ചി:
ഛായാഗ്രാഹകന് പൊന്നാരിമംഗലത്ത് ചെറിയകത്ത് വീട്ടില് ടോണി ലോയ്ഡ് അരൂജ (43) വാഹനാപകടത്തില് മരിച്ചു.
ഇന്നലെ (27-02-2021) രാത്രി 11.30ന് കളമശേരി പോലീസ് സ്റ്റേഷന് സമീപമുണ്ടായ അപകടത്തിലാണ് മരിച്ചത്.
യാത്രചെയ്തിരുന്ന ബൈക്ക് തെന്നുകയും റോഡിലേക്ക തെറിച്ച്വീഴുകയും തല ഡിവൈഡറില് ഇടിക്കുകയുമായിരുന്നു. രക്തം വാര്ന്ന് അവശനിലയില് ആശുപത്രിയില് പ്രവേശിപ്പിച്ചെങ്കിലും രക്ഷിക്കാനായില്ല.
നിരവധി സിനിമകളില് അസിസ്റ്റന്റ് ക്യാമാറാമാനായി പ്രവര്ത്തിച്ചിട്ടുണ്ട്. നടി രഹന ഫാത്തിമ അഭിനയിച്ച വിവാദ സിനിമ ഏകയുടെ ക്യാമറമാനായിരുന്നു ടോണി. കൂടാതെ മോഡലിങ് ഫൊട്ടോഗ്രഫിയിലും സജീവമായിരുന്നു.
'കാക്ക', 'ഇക്കാക്ക', 'കടല് പറഞ്ഞ കഥ' എന്നിവയാണ് റിലീസിനൊരുങ്ങിയിരിക്കുന്ന ചിത്രങ്ങള്.
'ആള്ക്കൂട്ടത്തില് ഒരുവന്' എന്ന ചിത്രമാണ് ടോണി ഛായാഗ്രാഹകനായി പ്രവര്ത്തിച്ച് അവസാനമായി റിലീസ് ചെയ്തത്.
മൃതദേഹം പോസ്റ്റ്മോര്ട്ടത്തിനായി കളമശേരി മെഡിക്കല് കോളേജിലേക്ക് മാറ്റിയിരിക്കുകയാണ്. നാളെ (01-03-2021) അമ്മയും മറ്റു ബന്ധുക്കളും എത്തിയതിന് ശേഷമായിരിക്കും സംസ്കാരമെന്ന് ബന്ധുക്കള് അറിയിച്ചു.