അഞ്ജു അഷറഫ്-
കൊച്ചി:
യുവനടന്‍ ടോവിനോ തോമസിന്റെ ജന്മദിനത്തോടനുബന്ധിച്ച് രണ്ട് പുതിയ സിനിമകള്‍ പ്രഖ്യാപിച്ചു. ഒപ്പം സിനിമയുടെ ടൈറ്റില്‍ പോസ്റ്ററും നിര്‍മ്മാണ കമ്പനികള്‍ പുറത്തുവിട്ടു.
ടോവിനോയുടെ ജന്മദിനം ജനുവരി 21ന് ആണെങ്കിലും ഇരുപതാം തീയതി ആദ്യ സിനിമയുടെ പ്രഖ്യാപനം വന്നു. യു ജി എം എന്റര്‍ടെയിന്‍മെന്റ്‌സിന്റെ ബാനറില്‍ നിര്‍മ്മിക്കുന്ന 'അജയന്റെ രണ്ടാം മോഷണം' എന്ന സിനിമ സംവിധാനം ചെയ്യുന്നത് ജിതിന്‍ ലാല്‍ ആണ്.
സുജിത്ത് നമ്പ്യാര്‍ തിരക്കഥയെഴുതുന്നു. പ്രോജക്ട് ഡിസൈനര്‍ ബാദുഷയാണ്.
രണ്ടാമത്തെ സിനിമയുടെ പ്രഖ്യാപനം ഇരുപത്തിയൊന്നാം തീയതിയാണ് ഉണ്ടായത്. ജന്മദിന സമ്മാനമായി പ്രഖ്യാപിച്ച 'അന്വേഷിപ്പിന്‍ കണ്ടെത്തും' എന്ന സിനിമ ഡാര്‍വിന്‍ കുര്യാക്കോസ് സംവിധാനം ചെയ്യുന്നു.
തീയറ്റര്‍ ഓഫ് ഡ്രീംസിന്റെ ബാനറില്‍ നിര്‍മ്മിക്കുന്ന സിനിമയുടെ തിരക്കഥ എഴുതിയിരിക്കുന്നത് ജിനു വി. എബ്രഹാമണ്. പ്രൊഡക്ഷന് കണ്ട്രോളര് ബെന്നി കട്ടപ്പന. തെന്നിന്ത്യന്‍ സംഗീത സംവിധായകനായ സന്തോഷ് നാരായണന്‍ ആദ്യമായി ഒരു മലയാള ചിത്രത്തിന് സംഗീതം ഒരുക്കുന്നു എന്നതും ശ്രദ്ധേയമാണ്.
'അന്വേഷണങ്ങളുടെ കഥയല്ല... അന്വേഷകരുടെ കഥ...' എന്നാണ് ഈ സിനിമയുടെ ടാഗ് ലൈന്‍. തൊണ്ണൂറുകളുടെ പശ്ചാത്തലത്തില്‍ പറയുന്ന ത്രില്ലര്‍ ചിത്രമാണ് 'അന്വേഷിപ്പിന്‍ കണ്ടെത്തും'. ടോവിനോക്കൊപ്പം മറ്റു ഒരുപിടി
അഭിനേതാക്കളും ഈ സിനിമയില്‍ അണിനിരക്കും.
രണ്ടു സിനിമയുടേയും വ്യത്യസ്ത രീതിയിലുള്ള പോസ്റ്ററുകള്‍... വൈവിധ്യമായ കഥാപാത്രങ്ങളെയായിരിക്കും ഈ ചിത്രങ്ങളില്‍ ടോവിനോ അവതരിപ്പിക്കുക എന്ന സൂചനയാണ് നല്‍കുന്നത്.
