സി എന്‍ എ-
കൊച്ചി:
നടന്‍ ടൊവിനോയുടെ ഒരു സ്‌കെച്ച് വരച്ചു പൂര്‍ത്തിയാക്കിയ ശേഷം അത് കൈമാറാന്‍ നദ എന്ന പെണ്‍ കുട്ടി നടത്തിയ ശ്രമം ഫലം കാണാതെ വന്നപ്പോഴാണ് അവള്‍ ഭീഷണി മുഴക്കിയത്. ചിത്രത്തിന്റെ കാര്യം ടൊവിനോയെ അറിയിക്കാന്‍ പലശ്രമങ്ങളും നടത്തി പരാജയപ്പെട്ടപ്പോഴാണ് നദ യുടെ അച്ഛന്‍ റംസീന്‍ റഷീദ് 'ദി മലയാളി ക്ലബ്' എന്ന ഫേസ്ബുക് കൂട്ടായ്മയിലാണ് മകള്‍ വരച്ച സ്‌കെച്ച് ഉള്‍പ്പെടെ പോസ്റ്റ് ചെയ്ത് അവളുടെ സങ്കടം ഉണര്‍ത്തിച്ചത്. പല തരത്തിലും അവള്‍ ഈ ഫോട്ടോ ടൊവിനോക്ക് അയച്ചു... റിപ്ലൈ കിട്ടാതെ നിരാശയിലായപ്പോള്‍ ടൊവിനോനെ നേരിട്ട് കണ്ടാല്‍ ഓടിച്ചിട്ട് കടിക്കുമെന്ന് പറഞ്ഞു നടപ്പാണ്. വോയിസ് റിപ്ലൈ വേണമെന്നാണ് അവളുടെ ഡിമാന്‍ഡ്,' റംസീന്‍ ഫേസ്ബുക് പോസ്റ്റില്‍ കുറിച്ചു.
സംഗതി ടൊവിനോയുടെ സോഷ്യല്‍ മീഡിയ മാനേജര്‍ വിപിന്‍ കുമാറിന്റെ കണ്ണിലുടക്കി. പിന്നെ വൈകിയില്ല, നദായുടെ ആഗ്രഹം പോലെ തന്നെ ടൊവിനോയുടെ വോയിസ് മെസ്സേജ് എത്തി.
'മോള് ഗംഭീരമായി വരച്ചിട്ടുണ്ട്, ഇനി ഇതിലും നന്നായി വരയ്ക്കണം' എന്ന് ടൊവിനോയുടെ ആശംസ.
റംസീന്‍ ഇട്ട പോസ്റ്റിന് മറുപടിയായിട്ടാണ് ടൊവിനോയുടെ വോയിസ് മെസ്സേജ് പ്രത്യക്ഷപ്പെട്ടത്. ടൊവിനോയെ കടിക്കാനൊരുങ്ങിയിരുന്ന സദ അതോടെ ഡബിള്‍ ഹാപ്പിയായി.
