സി എന് എ-
കൊച്ചി:
രണ്ടു സിനിമകളില് ഒന്നിന്റെ ചിത്രീകരണം പൂര്ത്തിയായി, മറ്റൊന്ന് പാതിവഴിയില് നില്ക്കുകയാണ്.
കഴിഞ്ഞ ഏതാനും വര്ഷങ്ങളായി കേരളത്തിലെ വെള്ളപ്പൊക്കത്തെ ആസ്പദമാക്കി 2403 ft എന്ന സിനിമയുടെ ഷൂട്ടിംഗിലായിരുന്നു ജൂഡ് ആന്റണി. കുഞ്ചാക്കോ ബോബന്, ടോവിനോ, ഇന്ദ്രജിത്ത്, ആസിഫ് അലി, മഞ്ജു വാരിയര് തുടങ്ങി നിരവധി താരങ്ങള് 2403 ft എന്ന സിനിമയില് അഭിനയിക്കുന്നുണ്ട്.
ഇന്നത്തെ പ്രത്യേക സാഹചര്യത്തില് ആദ്യസിനിമയുടെ ചിത്രീകരണം പുനരാരംഭിക്കാന് കഴിയില്ല. അതുകൊണ്ടാണ് ഇപ്പോള് ചെയ്യാന് പറ്റിയ രീതിയിലുള്ള ഒരു ചെറിയ സിനിമയെക്കുറിച്ച് ആലോചിച്ചത്. അന്ന ബെന്, സണ്ണി വെയ്ന് എന്നിവര് പ്രധാന വേഷം ചെയ്യുന്ന 'സാറാസ്' പ്രോട്ടോക്കോള് നിയമങ്ങളെല്ലാം പാലിച്ചുകൊണ്ട് ചെയ്ത സിനിമയാണ്.
'2403 ft' സിനിമയുടെ ഭൂരിഭാഗവും വെള്ളത്തിലാണ് ചിത്രീകരിച്ചിരിക്കുന്നത്. ആരെങ്കിലും രോഗബാധിതനാണെങ്കില് അത് അപകടസാധ്യത വര്ദ്ധിപ്പിക്കും. ഇന്നത്തെ പാന്ഡെമിക് സിറ്റുവേഷനില് മാറ്റം വരികയും ആളുകള്ക്ക് വാക്സിന് ലഭിച്ചതിനു ശേഷം മാത്രമേ ആ സിനിമയുടെ ഷൂട്ടിംഗ് തുടങ്ങാന് കഴിയൂ. അതിനുമുമ്പ് ഒരു ചെറിയ സിനിമ... അതാണ് 'സാറാസ്'.
തന്റെ ആദ്യ സിനിമ സംവിധാനം ചെയ്യാന് പാടുപെടുന്ന ഒരു അസോസിയേറ്റ് ഡയറക്ടറായിട്ടാണ് അന്നാ ബെന് അവതരിപ്പിക്കുന്ന കഥാപാത്രം. ഞാന് മുമ്പ് ചെയ്ത സിനിമകളില് കഥാ സന്ദര്ഭത്തെ രസകരമായ രീതിയില് അവതരിപ്പിക്കുകയായിരുന്നു. എന്നാല് ഈ സിനിമയുടെ കഥ അന്തരീക്ഷം വളരെ വ്യത്യസ്തമാണെന്നും ഗൗരവ പ്രാധാന്യമേറിയതാണെന്നും പുതിയൊരു രീതിയിലാണ് സിനിമയെ സമീപിച്ചിട്ടുള്ളതെന്നും സംവിധായകന് പറയുന്നു.