സി എന് എ-
കൊച്ചി:
'തിങ്കള് മുതല് വെള്ളി വരെ', 'ആടുപുലിയാട്ടം', 'അച്ചായന്സ്', 'ചാണക്യതന്ത്രം', 'പട്ടാഭിരാമന്', 'മരട് 357' എന്നീ ചിത്രങ്ങളിലൂടെ പ്രേക്ഷക ശ്രദ്ധ നേടിയ സംവിധായകന് കണ്ണന് താമരക്കുളത്തിന്റെ പുതിയ ചിത്രം ഉടുമ്പിന്റെ ഫസ്റ്റ് ലുക്ക് പോസ്റ്റര് ചൊവ്വാഴ്ച എത്തും.
സെന്തില് രാജമണി നായകനായ ചിത്രത്തില് അലന്സിയര്, ഹരീഷ് പേരടി, ധര്മജന് ബോള്ഗാട്ടി, മനുരാജ്, സാജല് സുദര്ശന് എന്നിവരാണ് പ്രധാന വേഷത്തില് എത്തുന്നത്. പുതുമുഖ താരം എയ്ഞ്ചലീന ലെയ്സെന് ആണ് ചിത്രത്തിലെ നായിക. ചിത്രത്തിന്റെ ഫസ്റ്റ്ലുക്ക് 29 ന് വൈകീട്ട് ഏഴ് മണിക്ക് ദുല്ഖര് സല്മാന്റെ ഫേസ്ബുക്ക് പേജിലൂടെ പുറത്തുവിടും. വാര്ത്ത പ്രചരണം- പി.ശിവപ്രസാദ്, സുനിത സുനില്.