സി എന്‍ എ-
കൊച്ചി:
ഭുവന്‍ അറോറ, ജിജോയ് പുളിക്കല്‍, നൈന സ്റ്റീഫന്‍, ക്രിതിക പാണ്ഡേ, ഫാറാ എന്നിവരെ പ്രധാന കഥാപാത്രങ്ങളാക്കി വിശാഖ് മെനിക്കോട്ട് കഥയെഴുതി സംവിധാനം ചെയ്യുന്ന ഹ്രസ്വചിത്രം 'അണ്‍ഡു' സൈന പ്ലേ ഒടിടി റിലീസ് ചെയ്തു.
ഒരു മള്‍ട്ടി നാഷണല്‍ സോഫ്റ്റ്‌വെയര്‍ ഐ ടി കമ്പനിയില്‍ നൈറ്റ് ഷിഫ്റ്റില്‍ ജോലി ചെയ്യുന്ന രോഹന് ശര്‍മ്മ എന്ന യുവാവിന്റെ ജീവിതം അടിസ്ഥാനമാക്കിയുള്ള ഒരു ഹ്രസ്വചിത്രമാണ് 'അണ്‍ഡു' (UNDO) തന്റെ ജീവിത രീതിയില്‍ സംഭവിക്കുന്ന ചില തെറ്റുകള്‍ റോഹന്‍ന്റെ വൈകാരികവും മാനസികവുമായ ഉയര്‍ച്ചയും താഴ്ച്ചയും ഈ സിനിമ കൈകാര്യം ചെയ്യുന്നു. മുന്‍കാല തെറ്റുകള്‍ കാരണം അനാവശ്യമായ അനന്തര ചിന്തകളും ഫലങ്ങളും പലപ്പോഴും അയാളെ വേട്ടയാടന്നു.
രോഹന്‍ന്റെ
മെഡിക്കല്‍ ചെക്കപ്പ് കഴിഞ്ഞ് നേഴ്‌സ് നല്‍കിയ റിപ്പോര്‍ട്ട് രോഹന് കൈമാറുമ്പോള്‍ ഉണ്ടാകുന്ന ഉത്കണ്ഠയും അതോടെ നേരിടേണ്ടി വരുന്ന സംഭവവികാസങ്ങളുമാണ് ഹൃദയ സ്പര്‍ശിയായി ഈ ചിത്രത്തില്‍ ദൃശ്യവല്‍ക്കരിക്കുന്നത്.
ഏതാനും ഇംഗ്ലീഷ് വാക്കുകളിലൂടെ ലോകമെമ്പാടുമുള്ള പ്രേക്ഷകരെ സ്വാധീനിക്കാന്‍ കഴിയും വിധം ഒരുക്കിയ ഈ ചിത്രത്തിലെ പ്രമേയം സമകാലികമാണ്.
കീബോര്‍ഡിലെ UNDO കീയാണ് ശീര്‍ഷകം കൊണ്ട് അര്‍ത്ഥമാകുന്നത്.
ഐടി മേഖലയില്‍ ഇത് പരമാവധി ഉപയോഗപ്പെടുത്തുന്നു. എന്നാല്‍ അവരുടെ യഥാര്‍ത്ഥ ജീവിതത്തില്‍ വരുമ്പോള്‍ നിര്‍ഭാഗ്യവശാല്‍ UNDO കീ ഇല്ലയെന്നതാണ് സത്യം.
ഹ്രസ്വചിത്രത്തിലെ ആശയം യുവജനങ്ങളെ ബോധവാന്മാരാക്കുകയും ചില ചിന്തോദ്ദീപകമായ സന്ദേശങ്ങള്‍ കൈമാറുകയും ചെയ്യന്നുവെന്നതും ശ്രദ്ധേയമാണ്.
വി എസ് പ്രൊഡക്ഷന്‍സിന്റെ ബാനറില്‍ പുരുഷോത്തമന്‍ നിര്‍മ്മിക്കുന്ന ഈ ചിത്രത്തിന്റെ ഛായാഗ്രഹണം സതീഷ് കുറുപ്പ് നിര്‍വ്വഹിക്കുന്നു.
എഡിറ്റര്‍- വിജി അബ്രാഹം, കല- സജീബ് മുജന്ദര്‍, കോസ്റ്റ്യൂം- മുഹമ്മദ് നിയാസ്, പശ്ചാത്തല സംഗീതം- അനില്‍ ജോണ്‍സണ്‍, സിങ്ക് സൗണ്ട്- വിപുള്‍ പോള്‍, അങ്കിത് താപ്പ, ഷൈജു യൂണിറ്റി, ഹെലിക്കാം- റോഷന്‍ മുഹമ്മദ്, അസോസിയേറ്റ് ക്യാമറ- പ്രതീക് ലോകണ്ഡേ, അസിസ്റ്റന്റ് ഡയറക്ടര്‍- സജിത്, ചാരുള്‍, മയൂര്‍, വിഷ്വല്‍ എഫ്ക്റ്റ്- വിശാഖ് മെനിക്കോട്ട്, വാര്‍ത്ത പ്രചരണം- എ എസ് ദിനേശ്.
Online PR - CNA.
