സി എന് എ-
കൊച്ചി:
നടന് ദുല്ഖര് സല്മാന് നിര്മ്മിക്കുന്ന പുതിയ ചിത്രം 'ഉപചാരപൂര്വം ഗുണ്ടജയന്റെ ടൈറ്റില് പോസ്റ്റര് റിലീസ് ചെയ്തു.
'ഉപചാരപൂര്വ്വം ഗുണ്ടജയന്' കഥ എഴുതി സംവിധാനം ചെയ്യുന്നത് അരുണ് വൈഗയാണ്. അഭിനയജീവിതത്തിന്റെ 9 വര്ഷങ്ങള് പിന്നിടുന്ന വേളയില് രണ്ട് സിനിമകളാണ് ദുല്ഖര് പ്രഖ്യാപിച്ചിരിക്കുന്നത്.
ദുല്ഖറിന്റെ നിര്മ്മാണ കമ്പനിയായ വേഫെയര് ഫിലിംസിന്റെ ബാനറില് നിര്മ്മിക്കുന്ന ആദ്യ ചിത്രം റോഷന് ആന്ഡ്രൂസ് സംവിധാനം ചെയ്യുന്നു. അതിന്റെ ചിത്രീകരണം ആരംഭിച്ചു കഴിഞ്ഞു. രണ്ടാമത്തെ ചിത്രം 'ഉപചാരപൂര്വ്വം ഗുണ്ടജയന്' സംവിധാനം ചെയ്യുന്നത് അരുണ് വൈഗയാണ്.
വേഫെയര് ഫിലിംസിന്റെ ബാനറില് ദുല്ഖര് സല്മാനും മൈ ഡ്രീംസ് എന്റര്ടൈന്മെന്റിന്റെ ബാനറില് ഷെബാബ് ആനികാടും ചേര്ന്നാണ് സിനിമ നിര്മ്മിക്കുന്നത്.
നിര്മ്മാണ രംഗത്ത് നിന്ന് വിതരണ രംഗത്തേക്കും ഈ ചിത്രത്തിലൂടെ ദുല്ഖറിന്റെ വേഫെയര് ഫിലിംസ് കടക്കുകയാണ്.
രാജേഷ് വര്മ്മയുടെതാണ് തിരക്കഥ. ചിത്രത്തില് സൈജു കുറുപ്പ്, സിജു വില്സണ്, ശബരീഷ് വര്മ്മ, ജോണി ആന്റണി, സാബു മോന്, ഹരീഷ് കണാരന്, ഷാനി ഷാക്കി, സുധീര് കരമന, ജാഫര് ഇടുക്കി, ബിജു സോപാനം, വിജിലേഷ്, തട്ടിം മുട്ടിം ഫെയിം സാഗര് സൂര്യ, വൃന്ദ മേനോന്, നയന, പാര്വതി തുടങ്ങിയവരാണ് ചിത്രത്തിലെ മറ്റു പ്രധാന അഭിനേതാക്കള്.
ഹരിനാരായണന്റെ വരികള്ക്ക് ബിജിബാല് സംഗീതം പകരുന്നു. ക്യാമറ- എല്ദോ ഐസക്, എഡിറ്റര്- കിരണ് ദാസ്, സൗണ്ട് ഡിസൈന്- വിഷ്ണു ഗോവിന്ദ്, ശ്രീ ശങ്കര്, പ്രൊജക്ട് ഡിസൈന്- ജയ് കൃഷ്ണന്, പ്രൊഡക്ഷന് കണ്ട്രോളര്- മനോജ് കാരന്തൂര്, ആര്ട്ട്- അഖില് രാജ് ചിറായില്, വസ്ത്രാലങ്കാരം- അരുണ് മനോഹര്, മേക്കപ്പ്- ജിതീഷ് പൊയ്യ, അസോസിയേറ്റ്സ് ഡയറക്ടര്മാര്- കിരണ് റാഫേല്, ബിന്റോ സ്റ്റീഫന്, പി.ആര്.ഒ.- വാഴൂര് ജോസ്, ആതിര ദില്ജിത്ത്, ഫോട്ടോ- ഗിരീഷ് ചാലക്കുടി, സ്റ്റില്സ്- നിഡാദ് കെ എന്, പോസ്റ്റര് ഡിസൈന്- ഓള്ഡ് മോങ്ക്സ്.