സി എന്‍ എ-
കൊച്ചി:
ശ്രീകൃഷ്ണ ഫിലിംസ് എന്ന ബാനറില്‍ സന്തോഷ് പണ്ഡിറ്റ് തിരക്കഥ സംവിധാനം നിര്‍മ്മാണം ഗാനരചന സംഗീതം ചെയ്തു നായകനായി അഭിനയിക്കുന്ന 'ഉരുക്ക് സതീശന്‍' എന്ന സിനിമ ഓഗസ്റ്റ് ഇരുപത്തിരണ്ടാം തീയതി രണ്ടാം ഓണം നാളില്‍ ആക്ഷന്‍ പ്രൈം ഒ ടി ടി യില്‍ റിലീസ് ചെയ്യും.
സന്തോഷ് പണ്ഡിറ്റ് നോടൊപ്പം മഹാലക്ഷ്മി അയ്യര്‍, സംഗീതാനായര്‍, മുംതാസ്, രാധാകൃഷ്ണന്‍, ഫിറോസ്, സാജന്‍ കുന്നംകുളം, അജി, ബാബു, ക്യാപ്റ്റന്‍ നായര്‍, സത്യന്‍, ദാസ്, നവീന്‍, സനോജ്, ശ്രീജിത്ത് തുടങ്ങി നൂറിലേറെപ്പേര്‍ ഈ സിനിമയില്‍ വിവിധ കഥാപാത്രങ്ങായി വരുന്നു.
ക്യാമറ- ഹരീഷ് ബാലുശ്ശേരി, മേക്കപ്പ്- സുരേഷ്, പ്രബീഷ്.
സന്തോഷ് പണ്ഡിറ്റ് ചിത്രത്തിലെ സ്ഥിരം ഹൈലൈറ്റ് ആയ എട്ടു ഗാനങ്ങളും ഇതിലുമുണ്ട്. ഗാനങ്ങളെല്ലാം ചിത്രീകരിച്ചിരിക്കുന്നത് ഗോവ, രാജസ്ഥാന്‍, മഹാരാഷ്ട്ര, കര്‍ണാടക എന്നീ ലൊക്കേഷനുകളില്‍ വച്ചാണ്. പ്രേക്ഷകര്‍ക്ക് ഈ ഓണക്കാലത്ത് മികച്ച ഒരു എന്റര്‍ട്രെയിനര്‍ ആയിരിക്കും 'ഉരുക്ക് സതീശന്‍'. ഈ സിനിമയിലെ പഞ്ച് ഡയലോഗുകളും ഗാനങ്ങളും ഇതിനോടകംതന്നെ യൂട്യൂബ്, ഫെയ്‌സ്ബുക്ക് തുടങ്ങിയ നവമാധ്യമങ്ങളില്‍ വന്‍ തരംഗം സൃഷ്ടിച്ച കഴിഞ്ഞിരിക്കുകയാണ്.
Online PR - CNA.
