- ചെമ്പില്‍ വിനോദ് (മിമിക്രി ആര്‍ട്ടിസ്റ്റ്)
വൈക്കം:
വൈക്കം ദേവ്, നാലു പതിറ്റാണ്ട് കാലമായി കലാരംഗത്ത് പ്രവര്‍ത്തിക്കുന്നു. ആദ്യകാലങ്ങളില്‍ അമച്വര്‍ നാടകരംഗത്ത് നിന്ന് പ്രൊഫഷണല് നാടകരംഗത്തെ ക്ക് എത്തുകയായിരുന്നു.
പിന്നീട് പ്രൊഫഷണല് നാടക രംഗത്തുനിന്നും പ്രശസ്ത സംവിധായകന്‍ അനില്‍ ബാബുവിന്റെ 'സാക്ഷാല്‍ ശ്രീമാന്‍ ചാത്തുണ്ണി' എന്ന സിനിമയില്‍ ഒരു വേഷത്തില്‍ അഭിനയിച്ചു. തുടര്‍ന്ന് 'മംഗല്യസൂത്രം', 'കുടുംബവിശേഷം', 'അക്ഷരം', 'സയാമീസ് ഇരട്ടകള്‍', 'പ്രൊഡക്ഷന് നമ്പര്‍ ടു', 'തെമ്മാടി കുന്നിലെ താന്തോന്നികള്‍', 'വാര്‍ത്തകള്‍ ഇതുവരെ' തുടങ്ങിയ ചിത്രങ്ങളില്‍ അഭിനയിച്ചു.
അങ്ങനെയിരിക്കുമ്പോള്‍ മഴവില്‍ മനോരമയിലെ 'മിമിക്രി മഹാമേള' എന്ന പ്രോഗ്രാമില് പഴയകാല സൂപ്പര്‍സ്റ്റാറും ഹാസ്യ താരവുമായ എസ് പി പിള്ളയുടെ രൂപവും ഭാവവും ഡാന്‍സും ചെയ്ത് വൈക്കം ദേവിന് പ്രേക്ഷകരുടെ പ്രശംസ പിടിച്ചു പറ്റിയുകയായിരുന്നു.
ഈ അടുത്ത കാലത്ത് 'തുരുത്ത്', 'പരിപ്പുവട', 'തീപ്പൊരി സുഭാഷ്' എന്നീ ഷോര്‍ട്ട് ഫിലിമുകള്‍ വൈക്കം ദേവ് അഭിനയിച്ചു.
ഇപ്പോള്‍ സോഷ്യല്‍ മീഡിയയില്‍ തരംഗമായി മാറിയ 'മോഹനേട്ടന്റെ സ്വപ്നങ്ങള്' എന്ന ഷോര്‍ട്ട് ഫിലിമില്‍ വൈക്കം ദേവിന് കേന്ദ്രകഥാപാത്രമാകാന്‍ സാധിച്ചു.
പയ്യാംതടത്തില്‍ ഫിലിംസിന്റെ ബാനറില്‍ സാജന്‍ പൂഴിക്കോല്‍ കഥയെഴുതി, ഷാജുമോന്‍ മയ്യോട്ടില്‍ സംവിധാനം ചെയ്ത ചിത്രമാണ് 'മോഹനേട്ടന്റെ സ്വപ്നങ്ങള്'.
തിരക്കഥ, സംഭാഷണം, ക്യാമറ ഗിരീഷ് ജി. കൃഷ്ണ നിര്‍വ്വഹിക്കുന്നു. തേങ്ങാപ്പഴം മീഡിയയുടെ യൂട്യൂബ് ചാനലിലൂടെയാണ് 'മോഹനേട്ടന്റെ സ്വപ്നങ്ങള്' റിലീസ് ചെയ്തത്.
ജീവിതത്തില്‍ കഷ്ടപ്പാടുകളും ദുഃഖങ്ങളും ദുരിതങ്ങളും പരിഹാസങ്ങളും എല്ലാം ഉള്ളിലൊതുക്കി കലാരംഗത്ത് കരുത്തോടെ പൊരുതിക്കൊണ്ടിരിക്കുകയും തനിക്ക് ചേരുന്ന നല്ല അവസരങ്ങള്‍ക്കായി കാത്തിരിക്കുകയുമാണ് വൈക്കം ദേവ്.
Vaikom Dev, Mobile No: 98471 15617
