Editor - MM Kamath
തിരു:
മാതൃരാജ്യത്തിന്റെ മോചനത്തിനായി ധീരധീരം പോരാടിയ വീരരക്തസാക്ഷികള്ക്കും ധീരദേശാഭിമാനികള്ക്കും കണ്ണിലെ കൃഷ്ണമണി പോലെ രാപ്പകല് ഭേദമില്ലാതെ അതിര്ത്തികളില് കാവല് നില്ക്കുന്ന വീരജവാന്മാര്ക്കും കോടി കോടി പ്രണാമങ്ങള് അര്പ്പിച്ചു കൊണ്ട് ഒരുക്കുന്ന 'വന്ദേഭാരത്' ഖൗമി വീഡിയോ ഗാനത്തിന്റെ ഫസ്റ്റ്ലുക്ക് പോസ്റ്റര് കേരള ഗവര്ണ്ണര് ആരിഫ് മുഹമ്മദ്ഖാന് റിലീസ് ചെയ്തു.
അമൃത് മഹോത്സവത്തിന്റെ ഭാഗമായി, ഭാരതത്തിന്റെ 75ാം സ്വാതന്ത്ര്യ വാര്ഷികത്തോടനു ബ്ബന്ധിച്ച്, ഗ്രൂപ്പ് എം പ്രൊഡക്ഷന്സ്, രാഷ്ട്രഭാഷയായ ഹിന്ദിയിലൊരുക്കുന്ന 9 മിനിറ്റ് ദൈര്ഘ്യമുള്ള ഖൗമി വീഡിയോ ഗാനം 1001 ഗായകരുടെ സ്വരമാധുരിയിലൂടെയാണ് പുറത്തുവരുന്നത്. 9 പേര്, ഭാരതത്തിന്റെ വൈവിധ്യ സംസ്കാരങ്ങളെ പ്രതിനിധീകരിക്കുന്ന 90 കഥാപാത്രങ്ങളാകുന്നുവെന്ന പ്രത്യേകതയും ഗാനത്തിനുണ്ട്.
കേരളത്തിലെ 14 ജില്ലകളിലെയും ഗായകരുടെ പ്രാതിനിധ്യം ഉണ്ടായിരിക്കുന്നതാണ്. ഇത്തരം സവിശേഷതകളുമായെത്തുന്ന ഖൗമി ഗാനം ലോകചരിത്രത്തില് ആദ്യമാണ്. അതുകൊണ്ടുതന്നെ വന്ദേഭാരത് ലക്ഷ്യമിടുന്നത് ലോക ഗിന്നസ്സ് നേട്ടമാണ്.
40 ദിവസം കൊണ്ട് ഭാരതത്തിന്റെ വിവിധ സംസ്ഥാനങ്ങളിലായി ഉടന് ചിത്രീകരണമാരംഭിക്കുന്ന ദേശഭക്തി ഗാനത്തിന്റെ അണിയറ പ്രവര്ത്തകരെല്ലാം മലയാളികളാണ്.
ഗ്രൂപ്പ് എം പ്രൊഡക്ഷന്സിന്റെ ബാനറില് പ്രശാന്ത് കൃഷ്ണന്, മോഹനന് കെ, ദിലീപ് മാസ്റ്റര് എന്നിവര് ചേര്ന്നാണ് വന്ദേഭാരത് നിര്മ്മിക്കുന്നത്. ദൃശ്യാവിഷ്ക്കാരം നിര്വ്വഹിക്കുന്നത് ശെല് ഭാസ്ക്കറാണ്.
ബാനര്- ഗ്രൂപ്പ് എം പ്രൊഡക്ഷന്സ്, നിര്മ്മാണം- പ്രശാന്ത് കൃഷ്ണന്, മോഹനന് കെ, ദിലീപ് മാസ്റ്റര്, സംവിധാനം- ശെല് ഭാസ്ക്കര്, ഛായാഗ്രഹണം- സന്തോഷ് ശ്രീരാഗം, പ്രോഗ്രാം കണ്വീനര്- ഗോപിനാഥ് വന്നേരി, ഗാനരചന- പ്രൊഫ. ഡോക്ടര് മനു, സംഗീതം- ബിഷോയ് അനിയന്, പ്രൊഡക്ഷന് കണ്ട്രോളര്- ഹരി വെഞാറമൂട്, സഹസംവിധാനം- ഷൈജു ദേവദാസ്, ചമയം- ഷിജു താനൂര്, വസ്ത്രാലങ്കാരം- ബാലന് പുതുക്കുടി, ഡിസൈന്സ്- അനീഷ് ഇന് ആര്ട്ട്, സ്റ്റില്സ്- ഷമീര് പട്ടമടക്കാവ്, ഗതാഗതം- ബിജു തളിക്കുളം, പ്രൊഡക്ഷന് മാനേജര്- സുന്ദര്ജി തിരൂര്, പി ആര് ഒ- അജയ് തുണ്ടത്തില്.
Online PR - CinemaNewsAgency.Com