എം.എം. കമ്മത്ത്-
കൊച്ചി:
പ്രശസ്ത ഗാനരചയിതാവും സംഗീത സംവിധായകനുമായ സന്തോഷ് വര്‍മ്മ എഴുതി സംവിധാനം ചെയ്യുന്ന മലയാള നാടകമാണ് 'വന്ദേ മാതരം'.
ലേഡി ഗ്രിഗറിയുടെ റൈസിംഗ് ഓഫ് ദി മൂണ്‍ (Rising of the moon) എന്ന നാടകത്തില്‍ നിന്ന് പ്രചോദനം ഉള്‍ക്കൊണ്ട് തികച്ചും സ്വതന്ത്രമായ ഒരു മലയാള നാടകമാണ് 'വന്ദേ മാതരം'.
ഭാരതം സ്വാതന്ത്ര്യം നേടി 75-ാം വര്‍ഷികം ആഘോഷിക്കുന്ന ഈ അവസരത്തില്‍, ഓര്‍മ്മിയ്ക്കപ്പെടേണ്ട ചിലരെക്കൂടി ഓര്‍മ്മിപ്പിയ്ക്കുവാന്‍...
അറിയപ്പെടാത്ത എത്രയോ വിലപ്പെട്ട ജീവനുകളുടെ ആത്മ ത്യാഗത്തെ ഒന്നു ഓര്‍മ്മപ്പെടുത്തുവാന്‍...
തികച്ചും സാങ്കല്‍പിക കഥാപാത്രങ്ങള്‍ മാത്രമുള്ള ഒരു നാടകം... അതാണ് 'വന്ദേ മാതരം'.
ഈ നാടകം, ലോക നാടക ദിനമായ മാര്‍ച്ച് 27ന്, ഞായറാഴ്ച ആപ്പിള്‍ കാര്‍ട്ട് തീയെറ്റര്‍ ഗ്രൂപ്പ് (Apple Cart Theatre Group) പൂണിത്തുറ കലാ സാംസ്‌കാരിക കേന്ദ്രം, ഒരുക്കുന്ന വേദിയായ പൂണിത്തുറ, മിനി പാര്‍ക്കില്‍, വൈകിട്ട് 7 മണിക്ക് അവതരിപ്പിക്കകയാണ്.
'ഈ നാടകം പറയുന്നത് കുടുംബത്തിന് വേണ്ടി, സ്വന്തം കുടുംബം പട്ടിണി ആകാതിരിക്കാന്‍, ബ്രിട്ടീഷ് സര്‍ക്കാരിന് കീഴില്‍ പോലിസ് ജോലിയില്‍ പ്രവേശിച്ച ദുര്‍ഗാ ദത് എന്ന ഭാരതീയനായ രാജ്യസ്‌നേഹി ജീവിത പ്രാരാബ്ധത്തിനാല്‍ വലയുകയും, അതേ സമയം രാജ്യത്തിന്റെ സ്വാതന്ത്ര്യത്തിനു വേണ്ടി തന്നാല്‍ ആകാവുന്നത് ചെയ്തു കൊണ്ട്, നിസ്വാര്‍ത്ഥമായി, തന്റെ ജീവന്‍ രാജ്യത്തിനു വേണ്ടി അര്‍പ്പിക്കുന്നു... എന്നതാണ് സ്വാതന്ത്ര്യത്തിന്റെ 75-ാം വര്‍ഷത്തില്‍ 'വന്ദേ മാതരം' പറയുന്ന കഥ.' എന്നാണ് 'വന്ദേ മാതരത്തെക്കുറിച്ച് സന്തോഷ് വര്‍മ്മ സിനിമാന്യൂസ് ഏജന്‍സിയോട് പറഞ്ഞത്.
തിരക്കഥ, ഗാനരചന, സംഗീതം, സംവിധാനം- സന്തോഷ് വര്‍മ്മ, മേക്കപ്പ് & ലൈറ്റിംഗ്- സജീവന്‍ കെ. മാധവന്‍, സൗണ്ട് എഞ്ചിനീയര്‍- സന്തോഷ് എരവങ്കര, ആലാപനം- നന്ദു കര്‍ത്ത, ആര്‍ട്ട്- രജീഷ് വര്‍മ്മ, സ്റ്റേജ് മാനേജര്‍- സന്തോഷ് ജി. മേനോന്‍, ക്രിയേറ്റീവ് സപ്പോര്‍ട്ട്- എം. കൃഷ്ണകുമാര്‍.
ദിനേശ് റാവു, സന്തോഷ് വര്‍മ്മ, രജീഷ് വര്‍മ്മ, വിനയചന്ദ്രന്‍, രാജീഷ് എം.വി. & എം. കൃഷ്ണകുമാര്‍ എന്നീവരാണ് 'വന്ദേ മാതരത്തില്‍ കഥാപാത്രങ്ങളെ അവതരിപ്പിക്കുന്നത്.
Online PR - CinemaNewsAgency.Com
