സി എന് എ-
കൊച്ചി:
പത്ത് മാസങ്ങള്ക്കു ശേഷം കേരളത്തിലെ സിനിമ തീയറ്ററുകള് തുറന്നിരിക്കുന്നു. സംസ്ഥാനത്തെ എല്ലാ തീയേറ്ററുകളിലും ഇന്ന് വിജയ്യുടെ 'മാസ്റ്റര്' ആണ് പ്രദര്ഷിപ്പിക്കുന്നത്.
എല്ലാ തീയറ്ററുകളും ഫുള് റിസര്വേഷനിലാണ് പൊയ്ക്കൊണ്ടിരിക്കുന്നത്. ഇതില് ഏറ്റവും പ്രത്യേകത നിറഞ്ഞ ഒരു കാര്യം, എറണാകുളത്തെ ഇടപ്പള്ളി വനിതാ - വിനീത തിയേറ്ററില് ഹൈടെക് റിയല് ലേസര് ഇല്ലുമിനേഷന് ടെക്നോളജിയിലൂടെ പ്രേക്ഷകര്ക്ക് സിനിമ കാണാമെന്നുള്ളതാണ്.
കേരളത്തില് മികച്ച വിഷ്വല് ക്വാളിറ്റിയോടെ 35അടി വീതിയില് 15 അടി നീളത്തില് സിനിമയുടെ എല്ലാവിധ ദൃശ്യ ഭംഗിയോടെ കാണാന് കഴിയുന്ന ആദ്യ തിയറ്ററായി വനിത - വിനീത മാറുകയാണ്. രണ്ടു വര്ഷങ്ങള്ക്ക് മുന്പ് കാട്ടാക്കടയിലെ ഒരു തിയറ്ററില് ഇതിനു മുന്പുള്ള വേര്ഷന് വന്നിരുന്നു. അതിനേക്കാള് മികച്ച അപ്ഡേറ്റഡ് വേര്ഷനാണ് വനിതയിലും വിനീതയിലും വച്ചിരിക്കുന്നതെന്നു തിയേറ്റര് ഉടമ ലിന്റോ ഡേവിസ് ഫേസ്ബുക്കില് പങ്കുവെച്ച വീഡിയോയില് പറയുന്നു.
തിയേറ്ററിലെ 1, 2 സ്ക്രീനുകളാണ് ഇതിനായി സെറ്റ് ചെയ്തിരിക്കുത്. ഇതുവരെ ഉണ്ടായിരുന്ന സ്ക്രീന് മാറ്റിയാണ് ഇത് ചെയ്തത്.
ഏകദേശം 80 ലക്ഷത്തോളം രൂപയാണ് പ്രൊജക്ടറിന്റെ വില. ഈ വിലയിലുള്ള 2 പ്രൊജക്ടറുകള് ആണ് തിയേറ്ററില് സെറ്റ് ചെയ്തിരിക്കുന്നതെന്നും അദ്ദേഹം പറഞ്ഞു.