സി എന്‍ എ-
ചെന്നൈ:
പ്രശസ്ത തെന്നിന്ത്യന്‍ താരം വരലക്ഷ്മി ശരത്കുമാറിന്റെ ഇന്‍സ്റ്റാഗ്രാം, ട്വിറ്റര്‍ അക്കൗണ്ടുകള്‍ തിരിച്ചുപിടിച്ചു. ഇന്‍സ്റ്റാഗ്രാം ആപിലെ പ്രൊഫഷണലുകളുടെ സഹായത്തോടെയാണ് അക്കൗണ്ട് തിരിച്ചെടുത്തത്.
തന്റെ ട്വിറ്റര്‍, ഇന്‍സ്റ്റഗ്രാം അക്കൗണ്ടുകള്‍ ഹാക്ക് ചെയ്യപ്പെട്ട വിവരം ഇതിന്മുമ്പ് താരം തന്നെ വെളിപ്പെടുത്തിയിരുന്നു. തന്റെ അക്കൗണ്ടുകളില്‍ നിന്ന് മെസേജുകള്‍ വന്നാല്‍ കരുതിയിരിക്കണമെന്നും വരലക്ഷ്മി അറിയിച്ചിരുന്നു.
അക്കൗണ്ട് തിരിച്ചുപിടിച്ച കാര്യവും വരലക്ഷ്മി തന്നെയാണ് അറിയിച്ചത്. ഒരു ഫ്രോഡ് ലിങ്ക് ക്ലിക്ക് ചെയ്തപ്പോഴായിരുന്നു വരലക്ഷ്മിയുടെ അക്കൗണ്ടുകള്‍ ഹാക്ക് ചെയ്യപ്പെട്ടത്.
'കാണുന്നതെല്ലാം ഒരിക്കലും വിശ്വസിക്കരുത്. ഇക്കാര്യം എനിക്ക് കഴിഞ്ഞ കാര്യത്തോട്കൂടി മനസിലായി. കഴിഞ്ഞ ദിവസം ഒരു ലിങ്ക് ക്ലിക്ക് ചെയ്തു. അത് ഒരു വെരിഫൈഡ് യൂസറില്‍ നിന്നായിരുന്നു. പക്ഷേ അക്കൗണ്ട് ഹാക്ക് ചെയ്യപ്പെട്ടു. എന്റെ ഇന്‍സ്റ്റാ അക്കൗണ്ട് തിരിച്ചുകിട്ടി. പഴയ പോസ്റ്റുകളും തിരിച്ചുകിട്ടാന്‍ അവര്‍ പ്രവര്‍ത്തിക്കുകയാണ്' എന്നും വരലക്ഷ്മി പറഞ്ഞു.
