സി എന്‍ എ-
തിരു:
നടനും സംവിധായകനുമായ സിദ്ധാര്‍ത്ഥ് ശിവ ഒരുക്കുന്ന 'വര്‍ത്തമാനം' എന്ന ചിത്രത്തിനെതിരെയാണ് സെന്‍സര്‍ ബോര്‍ഡി നടപടി.
കൂടുതല്‍ പരിശോധനയ്ക്കായി സിനിമ റിവൈസിംഗ് കമ്മിറ്റിക്ക് അയച്ചിരിക്കുകയണെന്നാണ് പുതിയ വിവരം. റിവൈസിംഗ് കമ്മിറ്റിയുടെ തീരുമാനം ലഭിക്കുന്നതുവരെ ചിത്രം പ്രദര്‍ശിപ്പിക്കാനാവില്ല. ദേശവിരുദ്ധവും മതസൗഹാര്‍ദ്ദം തകര്‍ക്കുന്നതുമാണ് ചിത്രമെന്ന് ചൂണ്ടിക്കാട്ടിയാണ് നടപടിയെന്നാണ് ലഭിക്കുന്ന വിവരം.
ജെഎന്‍യു, കശ്മീര്‍ വിഷയങ്ങളെ കുറിച്ചു സിനിമയില്‍ പരാമര്‍ശമുണ്ടത്രേ.
ചിത്രത്തിലെ ചിലഭാഗങ്ങള്‍ ഒഴിവാക്കണമെന്ന് കേരളത്തിലെ സെന്‍സര്‍ ബോര്‍ഡ് അംഗങ്ങള്‍ ചിത്രത്തിന്റെ അണിയറ പ്രവര്‍ത്തകരെ അറിയിച്ചിരുന്നുവെന്ന് പറയുന്നു.
അതേസമയം, ചിത്രം റിവൈസിംഗ് കമ്മിറ്റിക്ക് വിട്ടതായി അറിയിപ്പ് ലഭിച്ചിട്ടില്ലെന്നാണ് പ്രൊഡ്യൂസര്മാരില് ഒരാള്‍ അറിയിച്ചിരിക്കുന്നത്.
സിദ്ധാര്‍ഥ് ശിവയുടെ വര്‍ത്തമാനത്തില്‍ പാര്‍വതി തിരുവോത്താണ് നായിക. റോഷന്‍ മാത്യുവാണ് നായകന്‍. സിദ്ദിഖ്, നിര്‍മ്മല്‍ പാലാഴി, മുത്തുമണി സോമസുന്ദരം എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. ഡല്‍ഹിയും ഉത്തരാഖണ്ഡുമായിരുന്നു വര്‍ത്തമാനത്തിന്റെ പ്രധാന ലൊക്കേഷനുകള്‍.
