Editor - MM Kamath
കൊച്ചി:
കാമ്പസ് പശ്ചാത്തലത്തില്‍ ഒരു തികഞ്ഞ സൈക്കോത്രില്ലര്‍ സിനിമയാണ് 'വീകം'.
'കുമ്പാരീസ്', 'സത്യം മാത്രമേ ബോധിപ്പിക്കൂ' എന്നീ ചിത്രങ്ങളിലൂടെ ശ്രദ്ധേയനായ സാഗര്‍ തിരക്കഥ രചിച്ച് സംവിധാനം ചെയ്യുന്ന 'വീകം' എന്ന സിനിമയുട ചിത്രീകരണം കൊച്ചിയില്‍ ആരംഭിച്ചു.
അബാം മൂവീസിന്റെ ബാനറില്‍ ഏബ്രഹാം മാത്യു അവതരിപ്പിക്കുന്ന ഈ ചിത്രം ഷീലു ഏബ്രഹാമാണ് നിര്‍മ്മിക്കുന്നത്.
കൊച്ചിയില്‍ നടന്ന ലളിതമായ ചടങ്ങില്‍ പ്രശസ്ത നിര്‍മ്മാതാവ് ലിസ്റ്റിന്‍ സ്റ്റീഫന്‍ സ്വിച്ചോണ്‍ കര്‍മ്മം നിര്‍വ്വഹിച്ചതോടെയാണ് ചിത്രീകരണത്തിനു തുടക്കമിട്ടത്.
ഏബ്രഹാം മാത്യു ഫസ്റ്റ് ക്ലാപ്പു നല്‍കി.
ഏബ്രഹാം മാത്യു, ദിനേശ് പ്രഭാകര്‍, ധനേഷ് രവീന്ദ്രന്‍, സാഗര്‍, ലാല്‍സ്, സിബി ഏബ്രഹാം, മത്തു മണി, ഷീലു ഏബ്രഹാം, ഡയാനാ ഹമീദ് എന്നിവര്‍ ചേര്‍ന്ന് ഭദ്രദീപം തെളിയിച്ചു.
ഷീലു ഏബ്രഹാം, മുത്തുമണി, ബേബി ശ്രയാ, എന്നിവരാണ് ആദ്യ രംഗത്തില്‍ അഭിനയിച്ചത്.
ധ്യാന്‍ ശ്രീനിവാസന്‍, ഷീലു ഏബ്രഹാം, ദിനേശ് പ്രഭാകര്‍ എന്നിവരാണ് ഈ ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്നത്.
അജു വര്‍ഗീസ്, സിദ്ദിഖ്, ജി. സുരേഷ് കുമാര്‍, ഡെയിന്‍ ഡേവിഡ്, ഡയാനാ ഹമീദ്, സുന്ദരപാണ്ഡ്യന്‍, സൂര്യ, ഡോ. സുനീര്‍ എന്നിവരും നിരവധി പുതുമുഖങ്ങളും ഈ ചിത്രത്തിലണിനിരക്കുന്നുണ്ട്.
സംഗീതം- വില്യം ഫ്രാന്‍സിസ്, ധനേഷ് രവീന്ദ്രന്‍ ഛായാഗ്രഹണവും ഹരീഷ് എഡിറ്റിംഗും നിര്‍വ്വഹിക്കുന്നു.
കലാസംവിധാനം- പ്രദീപ്. എം.വി, മേക്കപ്പ്- അമല്‍, കോസ്റ്റ്യും ഡിസൈന്‍- അരുണ്‍ മനോഹര്‍, ചീഫ് അസ്സോസ്സിയേറ്റ് ഡയറക്ടര്‍- സനു സജീവന്‍, അസ്സോസ്സിയേറ്റ് ഡയറക്ടര്‍- സ്. സംഗീത് ജോയ്, ബഷീര്‍ ഹുസൈന്‍, മുകേഷ് മുരളി. പ്രൊഡക്ഷന്‍ മാനേജര്‍- സുനീഷ് വൈക്കം, പ്രൊഡക്ഷന്‍ എക്‌സിക്കുട്ടീവ്- ബിജു അഗസ്റ്റിന്‍,
ഫിനാന്‍സ് കണ്‍ട്രോളര്‍- അമീര്‍ കൊച്ചിന്‍, പ്രൊഡക്ഷന്‍ കണ്‍ട്രോളര്‍- ജിത്ത് പിരപ്പന്‍കോട്, പി.ആര്‍. ഒ.- വാഴൂര്‍ ജോസ്, ഫോട്ടോ- സന്തോഷ് പട്ടാമ്പി.
Onine PR - CinemaNewsAgency.Com
