സി എന് എ-
കൊച്ചി:
സ്പൈസ് ബോക്സ് ക്രയേഷന്സിന്റെ ബാനറില് ഡ്രാം വ്ളോഗ് മീഡിയയുമായി സഹകരിച്ച് പ്രശസ്ത നാടക കഥാകൃത്തും തമിഴ്, മലയാളം സിനിമ തിരക്കഥാകൃത്തുമായ രാജേഷ് കെ രാമന് തിരക്കഥയെഴുതി സംവിധാനം ചെയ്ത 'വേനല്' എന്ന ഷോര്ട്ട് മൂവിയുടെ ഫസ്റ്റ് ലുക്ക് പോസ്റ്റര് മെഗാ സ്റ്റാര് പത്മശ്രീ ഭരത് മമ്മുട്ടി തന്റെ ഫേസ്ബുക്ക് പേജിലൂടെ റിലീസ് ചെയ്തു.
പ്രശസ്ത തിരക്കഥാകൃത്ത് ബെന്നി പി നായരമ്പലമാണ് കേന്ദ്ര കഥാപാത്രത്തെ അവതരിപ്പിക്കുന്നത് എന്ന പ്രത്യേകത 'വേനല്ലിനുണ്ട്.
'കടുകുമണിയോളം ചെറിയൊരു കഥയില്, ലോകം ഇപ്പൊള് അനുഭവിക്കുന്ന വലിയൊരു പ്രശ്നം ഒളുപ്പിച്ചു വെച്ചിട്ടുണ്ട്. അതിനു എന്താണ് പരിഹാരമെന്നും ഒരുമിച്ച് നിന്ന് അതെങ്ങനെ നേരിടാം എന്നുള്ളതും ഒരു മന്ത്രം പോലെ ഈ ചിത്രത്തില് പറഞ്ഞുതരുന്നുണ്ട്. അത് ആളുകളിലേക്കെത്തേണ്ട ആവശ്യമാണ്, ഏറ്റവും കൂടുതല് ആളുകള് അത് കാണേണ്ടതും ഷെയര് ചെയ്യപ്പെടേണ്ടതുമായ ഒരു ആവശ്യമാണ് എന്ന ഒറ്റക്കാരണം കൊണ്ട് മാത്രമാണ് ചെറിയൊരു വേഷമായിട്ടുപോലും മലയാളത്തിന്റെ ഏറ്റവും വിലപിടിപ്പുള്ള തിരക്കഥാകൃത് ബെന്നി പി നായരമ്പലം ഈ ചിത്രത്തില് അഭിനയിച്ചത്. അതുപോലെത്തന്നെയാണ് മറ്റുള്ള ടെക്നിഷ്യന്മാരും പത്തു മിനിട്ടു ദൈഘ്യമുള്ള ഈ ചെറിയ ചിത്രത്തിലേക്ക് എത്തിയത്.
ചിത്രത്തിന്റെ സൗണ്ട് ഡിസൈന് ചെയ്തിരിക്കുന്നത് 'അങ്കമാലി ഡയറീസ്', 'ഈ. മ. യൗ.', 'ജല്ലിക്കട്ട്' എന്നീ സിനിമകളിലൂടെ ഒരുപാട് അവാര്ഡുകള് കരസ്ഥമാക്കിയ രംഗനാഥ് രവിയുടെ മേല്നോട്ടത്തില് സൗണ്ട് ഡിസൈന് ചെയ്തിരിക്കുന്നത് വൈശാഖ് സോബന് ആണ്.
'മെമ്മറീസ്', 'പാപനാസം', 'ഊഴം', 'അതിരന്', 'ദൃശ്യം' എനീ സൂപ്പര് ഹിറ്റ് സിനിമകളുടെ എഡിറ്റര് അയൂബ് ഖാന് സ്ക്രിപ്ട് വായിച്ച ഉടന് ബഡ്ജറ്റ് പോലും നോക്കാതെയാണ് അദ്ദേഹം ചിത്രത്തിന്റെ ഭാഗമാകാന് തീരുമാനിച്ചത്.
വരാന്പോകുന്ന കാലത്തെ സിനിമകളിലെ മിടുക്കനായ മ്യൂസിക് ഡയറക്ടര് ആണ് ബിബിന് അശോക്.
സ്റ്റുഡിയോ റെന്റ് മാത്രം വാങ്ങിച്ചുകൊണ്ടാണ് ഈ ചിത്രത്തിന്റെ സംഗീതം കൈകാര്യം ചെയ്തിരിക്കുന്നത്.
മലയാള സിനിമയിലെ സീനിയര് മേക്കപ്പ്മാന് രാജീവ് അംഗമാലിയാണ് മേക്കപ്പ് കൈകാര്യം ചെയ്തിരിക്കുന്നത്.
പ്രശസ്ത തമിഴ്, മലയാളം സിനിമാട്ടോഗ്രാഫറായ രാഗേഷ നാരായണന് ആണ് ക്യാമറ കൈകാര്യം ചെയ്തിട്ടുള്ളത്. അദ്ദേഹം 'വേനലിന്റെ ഹൃദയമാണെന്നു തന്നെ പറയാം. കാരണം രാഗേഷ് ഈ പ്രൊജെക്ടുമായി അത്രത്തോളം അടുത്ത് ഇടപ്പെട്ടിട്ടുണ്ട്.
ഒരു ചെറിയ സിനിമ ആയിട്ടുംകൂടി ടെക്നിഷ്യന്സിന്റെ കാര്യത്തില് അത്രയും ശ്രദ്ധിച്ചാണ് ഈ സിനിമ ചിത്രീകരിച്ചിരിക്കുന്നതെന്ന് സംവിധായകന് രാജേഷ് കെ രാമന് സിനിമ ന്യൂസ് ഏജന്സിയോട് പറഞ്ഞു.
വേനല്ലില് പറയുന്ന വിഷയത്തിലൂടെ ഒരു നിമിഷമെങ്കിലും കടന്നുപോവാത്തവരായിട്ടാരുമില്ല. വ്യത്യസ്ത നാടുകളില്, വ്യത്യസ്ത തൊഴില് ചെയ്തു ജീവിക്കുന്ന, വ്യത്യസ്തരായിട്ടുള്ള ഒരുപാടാളുകള് ഇതേ പ്രശ്നം അനുഭവിക്കുന്നുണ്ട്. ഈ പ്രശ്നം മറികടക്കാന് ആരോഗ്യമുള്ള ശരീരം മാത്രമുണ്ടായിട്ടു കാര്യമില്ല ആരോഗ്യമുള്ള ഒരു മനസ്സും ഉണ്ടാക്കിയെടുക്കേണ്ടത് ആവശ്യമാണ്' എന്ന് രാജേഷ് പറയുന്നു.
സ്പൈസ് ബോക്സ് ക്രയേഷന്സിന്റെ ബാനറില് ഡ്രാം വ്ളോഗ് മീഡിയയുമായി സഹകരിച്ച് രേണു ഗോപിനാഥ് പണിക്കരും ജിജോ ജോണിയും ചേര്ന്നാണ് 'വേനല്' നിര്മ്മിക്കുന്നത്.
എക്സിക്യൂട്ടിവ് പ്രൊഡ്യൂസേഴ്സ്- വിനീത്, നേവല് സഞ്ജു, രഞ്ജു, ലത, അഞ്ചു, ശ്രീജിത്ത് എന്നിവരാണ്. അസോസിയേറ്റ് ഡയറക്ടര് ഷിബിന് സി. ബാബു, പ്രൊഡക്ഷന് മനോജര് കണ്ണന് സി. എസ്സ്, ഡിസൈന് ഷിബിന് സി. ബാബു, സ്റ്റുഡിയോ- ഒോഡിയോ ഗ്രീന്.