CNA
കൊച്ചി:
ആര്‍.എസ് ഇന്‍ഫോടെയ്ന്‍മെന്റ് & റെഡ് ജയന്റ് മൂവീസിന്റെ ബാനറില്‍ എല്‍ഡ്രെഡ് കുമാറും ഉദയനിധി സ്റ്റാലിന്‍ നിര്‍മ്മിക്കുന്ന പുതിയ ചിത്രം തമിഴകത്തെ ഹിറ്റ് മേക്കര്‍ വെട്രിമാരന്‍ സംവിധാനം ചെയ്യുന്ന, 'വിടുതലൈ' എന്ന് പേരിട്ടിരിക്കുന്ന ചിത്രത്തില്‍ വിജയ് സേതുപതിയും സൂരിയും പ്രധാന കഥാപാത്രങ്ങളെ അവതരിപ്പിക്കുന്നു. രണ്ട് ഭാഗങ്ങളായാണ് 'വിടുതലൈ' വമ്പന്‍ ബജറ്റില്‍ ഒരുങ്ങുന്നത്.
നിലവില്‍, 'വിടുതലൈ' ഒന്നാം ഭാഗത്തിന്റെ ചിത്രീകരണം ഇതിനകം പൂര്‍ത്തിയായിട്ടുണ്ട്, പോസ്റ്റ് പ്രൊഡക്ഷന് ജോലികള്‍ ദ്രുതഗതിയില്‍ പുരോഗമിക്കുകയാണ്. അതോടൊപ്പം തന്നെ രണ്ടാം ഭാഗത്തിന്റെ ചിത്രീകരണവും സിരുമലയിലും കൊടൈക്കനാലിലും പരിസരപ്രദേശങ്ങളിലും ആയി അവസാനഘട്ടത്തിലാണ്. കോളിവുഡില്‍ തന്നെ അടുത്ത് വരാനിരിക്കുന്ന ബിഗ് ബജറ്റ് ചിത്രങ്ങളില്‍ ഒന്നാണ് 'വിടുതലൈ'.
കലാസംവിധായകന്‍ ജാക്കിയുടെ നേതൃത്വത്തിലുള്ള കലാവിഭാഗം സിരുമലയില്‍ കൂറ്റന്‍ ഗ്രാമസെറ്റ് ഒരുക്കിയിരുന്നു. അതോടൊപ്പം തന്നെ 10 കോടിയില്‍ പരം മുതല്‍മുടക്കില്‍ ട്രെയിനും റയില്‍വേ പാലവും ചിത്രത്തിനുവേണ്ടി ഒരുക്കിയതും ഏറെ മാധ്യമ ശ്രദ്ധ നേടിയിരുന്നു.
ബര്‍ഗേറിയയില്‍ നിന്നും ഒരു സംഘം സ്റ്റന്‍ഡ് ആര്‍ടിസ്റ്റുകളെ ഉള്‍പ്പെടുത്തി പീറ്റര്‍ ഹൈന്‍ ഒരുക്കുന്ന സംഘട്ടനരംഗങ്ങളും ചിത്രത്തിന്റെ മുഖ്യ ആകര്‍ഷണങ്ങളില്‍ ഒന്നാണ്.
വിജയ് സേതുപതി, സൂരി, ഭവാനി ശ്രീ, പ്രകാശ് രാജ്, ഗൗതം വാസുദേവ് മേനോന്‍, രാജീവ് മേനോന്‍, ചേതന്‍ തുടങ്ങി നിരവധി പ്രമുഖ അഭിനേതാക്കളും താരനിരയുടെ ഭാഗമാണ്.
വേല്‍രാജ് ഛായാഗ്രഹണം നിര്‍വ്വഹിക്കുന്ന 'വിടുതലൈ' മാസ്ട്രോ ഇസൈജ്ഞാനിയാണ് സംഗീതം ഒരുക്കുന്നത്.
ചിത്രത്തിന്റെ റിലീസ് തീയതിയെ കുറിച്ചുള്ള ഔദ്യോഗിക പ്രഖ്യാപനം ഉടന്‍ തന്നെ അണിയറ പ്രവര്‍ത്തകര്‍ പുറത്ത് വിടും.
പി.ആ.ഒ- ശബരി.
Online PR - CinemaNewsAgency.Com
