CNA
കൊച്ചി:
'വടചെന്നൈ', 'അസുരന്‍' എന്നീ ഹിറ്റ് ചിത്രങ്ങള്‍ക്കു ശേഷം സൂരിയെയും വിജയ് സേതുപതിയെയും കേന്ദ്ര കഥാപാത്രങ്ങളാക്കി വെട്രിമാരന്‍ സംവിധാനം ചെയ്യുന്ന ചിത്രമാണ് 'വിടുതലൈ'.
ചിത്രത്തിന്റെ നേരത്തെ പുറത്തിറങ്ങിയ ഫസ്റ്റ്‌ലുക്ക് ഏറെ ശ്രദ്ധിക്കപ്പെട്ടിരുന്നു. കൈവിലങ്ങില്‍ വിജയ് സേതുപതിയും തോക്കേന്തി പട്ടാള യൂണിഫോമില്‍ നില്‍ക്കുന്ന സൂരിയുമാണ് പോസ്റ്ററില്‍ ഉണ്ടായിരുന്നത്. ചിത്രത്തില്‍ വിജയ് സേതുപതിയുടേത് നെഗറ്റീവ് ഷെയ്ഡ് ഉള്ള കഥാപാത്രമാണെന്നും റിപ്പോര്‍ട്ട് ഉണ്ട്.
ആക്ഷന് പ്രാധാന്യം ഉള്ള ഈ ചിത്രത്തിലെ സൂരി - വിജയ് സേതുപതി ജോഡിയുടെ ഡ്രോപ്പിംഗ് ആക്ഷന്‍സ് സീനുകള്‍ കൊടൈക്കനാലില്‍ ആണ് ചിത്രീകരിച്ചിരിക്കുന്നത്.
നിര്‍മ്മാതാവ് എല്‍റെഡ് കുമാറിന്റെ പ്രൊഡക്ഷന് കമ്പനിയായ ആര്‍ എസ് ഇന്‍ഫോടെയ്ന്‍മെന്റ് നിര്‍മ്മിക്കുന്ന ഈ ചിത്രത്തിന്റെ ചിത്രീകരണം സത്യമംഗലം കാടുകളിലായിരുന്നു നേരത്തെ നടന്നത്.
വൈദ്യുതിയും ടെലികമ്മ്യൂണിക്കേഷനും ഇല്ലാത്ത പശ്ചിമഘട്ടത്തിലെ നിബിഡ വനങ്ങളിലുടനീളം 'വിടുതലൈ' യുടെ ചിത്രീകരണം നടക്കുന്ന ഘട്ടത്തില്‍ വിജയ് സേതുപതി, വെട്രിമാരന്‍, സൂരി, ഭവാനി ശ്രെ എന്നിവരും ഒപ്പം മുഴുവന്‍ ഗോത്രവര്‍ഗ്ഗക്കാരും ഒന്നിച്ച് താമസിച്ചാണ് രംഗങ്ങള്‍ പൂര്‍ത്തിയാക്കിയത്.
പീറ്റര്‍ ഹെയ്നാണ് ചിത്രത്തിന്റെ ആക്ഷന് സീക്വന്‍സ് കോറിയോഗ്രാഫി ചെയ്യുന്നത്. ഈ സീക്വന്‍സ് മികച്ച രീതിയില്‍ ചിത്രീകരിക്കാന്‍ ബള്‍ഗേറിയയില്‍ നിന്നാണ് ക്യാമറാ സംഘം എത്തിയിരിക്കുന്നത്.
വിജയ് സേതുപതി, സൂരി എന്നിവര്‍ക്ക് പുറമെ ഭവാനി ശ്രീ, പ്രകാശ് രാജ്, ഗൗതം വാസുദേവ് മേനോന്‍, രാജീവ് മേനോന്‍, ചേതന്‍ തുടങ്ങി നിരവധി പ്രമുഖ അഭിനേതാക്കളുമുണ്ട്. വേല്‍രാജ് ഛായാഗ്രഹണം നിര്‍വ്വഹിക്കുന്നു. എഡിറ്റര്‍- ആര്‍ രാമര്‍, ആക്ഷന്- പീറ്റര്‍ ഹെയ്ന്‍, കല-ജാക്കി. ഇളയരാജയുടേതാണ് സംഗീതം. പി ആര്‍ ഒ- എ എസ് ദിനേശ്, ശബരി.
Online PR - CinemaNewsAgency.Com
