സി എന് എ-
മുംബൈ:
അന്ധാദുന് എന്ന ചിത്രത്തിലൂടെ ജനശ്രദ്ധ നേടിയ ശ്രീറാം രാഘവന് സംവിധാനം ചെയ്യുന്ന പുതിയ സിനിമയില് വിജയ് സേതുപതിയാണ് നായകന്.
തെന്നിന്ത്യയില് കുറഞ്ഞ കാലത്തിനുള്ളില് നിരവധി ആരാധകരെ നേടി എടുത്ത വിജയ് സേതുപതി ആദ്യമായി വില്ലന് വേഷത്തില് എത്തുന്ന 'മാസ്റ്റര്' നാളെ തിയേറ്ററുകളില് റിലീസ് ചെയ്യാനിരിക്കുകയാണ്. ഇളയദളപതി വിജയ് നായകനാകുന്ന ചിത്രത്തില് വില്ലന് വേഷത്തിലാണ് വിജയ് സേതുപതി അഭിനയിക്കുന്നത്.
ശ്രീറാം രാഘവന് സംവിധാനം ചെയ്യുന്ന സിനിമയില് വിജയ് സേതുപതിയോടൊപ്പം ബോളിവുഡിലെ ശ്രദ്ധേയായ നടി കത്രീന കൈഫ് നായിക കഥാപാത്രത്തെ അവതരിപ്പിക്കുന്നു.
വരുണ് ധവാനെ നായകനാക്കി ശ്രീറാം പ്രഖ്യാപിച്ച ബിഗ് ബജറ്റ് ചിത്രം 'ഇക്കീസ്' കോവിഡിനെ തുടര്ന്ന് മുടങ്ങിയിരുന്നു. ഈ ചിത്രത്തിന് മുമ്പ് വിജയ് സേതുപതിയും കത്രീന കൈഫും പ്രധാന വേഷത്തിലെത്തുന്ന ചിത്രം പുറത്തിറങ്ങുമെന്നാണ് സൂചന.