Editor: MM Kamath
അഗളി:
അഗളി, അട്ടപ്പാടി ക്യാമ്പ് സെന്ററില്‍ വെച്ച് നടന്ന ചടങ്ങില്‍, ആദ്യമായി കുറുംമ്പ ഭാഷയില്‍ സിനിമ ചെയ്ത് ഓസ്‌കറിലെത്തിച്ച സംവിധായകന്‍ വിജീഷ് മണിയ്ക്ക് കുറുംമ്പ ഗോത്ര സമൂഹം സ്‌നേഹധാരമായി 'മല്ലു മണ്ഡറെ' അണിയിച്ച് ആദരിച്ചു.
അഗളി എ.എസ്.പി പദം സിംഗ് ഐ.പി.സ് ചടങ്ങ് ഉദ്ഘാടനം ചെയ്തു. നോഡല്‍ ഓഫീസര്‍ ട്രൈബല്‍ ഹെല്‍ത്ത് ഡോ. പ്രഭുദാസ്, എ.സി.എഫ്.എസ് സെക്രട്ടറി രാജേഷ്, അഗളി ഡി.ഇ.ഒ സുധീപ്, വി. എം. ലത്തീഫ്, ഷറഫുദീന്‍, എന്നിവര്‍ ചടങ്ങില്‍ ആശംസകള്‍ അറിയിച്ചു.
സംവിധായകന്‍ വിജീഷ് മണി കുറുംമ്പ കലാക്കാരന്‍മാര്‍ക്ക് വസ്ത്രം നല്‍കി അനുഗ്രഹം ഏറ്റുവാങ്ങി. ചടങ്ങില്‍ കുറുംമ്പ കവിയും ഗായകനുമായ പണലി കെ യും ഉഷ സഹദേവന്‍, സിന്ധു പഴനി, ചെല്ലി കന്തന്‍, കാളി ശിവലിങ്കന്‍, ജോമോള്‍ അനീഷ്, സുന്ദരന്‍ കാടന്‍, കാടന്‍ ലിങ്കന്‍ എന്നിവര്‍ തനതു പാട്ടും നൃത്തവും അവതരിപ്പിച്ചു.
കേരളത്തിലെ അട്ടപ്പാടിയില്‍ ഗോത്ര സമൂഹം സംസാരിക്കുന്ന കുറുംമ്പ ഭാഷയില്‍ ആദ്യമായി ചെയ്ത 'മ് മ് മ്' (സൗണ്ട് ഓഫ് പെയിന്‍) സിനിമയെ സംസ്ഥാന അവാര്‍ഡില്‍ ഉള്‍പ്പെടുത്തി പ്രോത്സാഹിപ്പിക്കണമെന്നു സംവിധായകന്‍ വിജീഷ് മാണി അഭ്യര്‍ഥിച്ചു. ഈ വര്‍ഷത്തെ ഓസ്‌കാറിന്റെ ചുരുക്ക പട്ടികയിലും, പാരീസ് ഫിലിം ഫെസ്റ്റിവലില്‍ മികച്ച സിനിമയായും 'മ് മ് മ്' (സൗണ്ട് ഓഫ് പെയിന്‍) തിരഞ്ഞെടുത്തിരുന്നു. വാര്‍ത്ത പ്രചരണം- എ എസ് ദിനേശ്.
